20 июл 2015 14:07Тоҷикистон / Иҷтимоӣ / Тема дня

Шуғнон: Аз даъвати ҲНИТ то ҷаласаи изтирории ҲХДТ

Ҳизби наҳзати исломии Тоҷикистон (ҲНИТ) тамоми шаҳрвандон, бо шумули аъзои худ ва шахсиятҳои дорову афроди саховатманди кишварро барои дастгирӣ ва кумаки сокинони аз селоб зарардидаи вилояти Бадахшон даъват кардааст.

Тавре аз дафтари матбуоти ҲНИТ хабар доданд, раҳбарияти ин ҳизб аз аъзову ҷонибдорони хеш ва афроди хайрхоҳ хостааст, дар робита ба вазъи сокинони ноҳияи Шуғнони Бадахшон худро бетараф нагиранд: “Дар ин рӯзҳои сахту мушкил барои мардуми шарифи Бадахшон дар канор набошанду ҳама чун узви як тан кӯмаки худро ба осебзадагон расонанд”.

Аз ин пеш, Ҳизби халқӣ-демократии Тоҷикистон, ки раҳбарии онро Эмомалӣ Раҳмон, раиси ҷумҳурии кишвар бар уҳда дорад, аз тасмими худ барои кумак ба сокинони Шуғнон хабар дода буд. Ба иттилои дафтари матбуоти ҲХДТ, масъулини дастгоҳи ин ҳизб дар ҷаласаи изтирории худ вазъи ахир дар вилояти Бадахшонро ба баррасӣ гирифта, барои ҷудо кардани маблағи муайян ба сокинони зарардида аз ҳисоби ин ҳизб, қароре қабул кардаанд.

Тибқи иттилои Кумитаи ҳолатҳои фавқулода ва мудофиаи граждании Тоҷикистон дар пайи баланд шудани сатҳи оби дарё дар деҳаи Барсем 41 хона, дар деҳаи Бердибекобод 3 хона ва дар деҳаи Колхозобод 12 хонаи истиқоматӣ пурра зарар дидаанд: “Инчунин бар асари ин офати табиӣ 1 мактаб, 6 мағоза, 1 нуқтаи фурӯши сӯзишворӣ, 2,5 километр роҳи мошингарди аҳамияти байналмилалидоштаи Хоруғ-Мурғоб, 2 километр роҳи аҳамияти маҳалидошта, 2 километр хатти интиқоли барқи баландшиддати 35 квт, 2 километр хатти интиқоли шиддатноки 10 квт, 5 адад мошинсарой, 3000 адад дарахтони мевадиҳанда ва сояафкан, 6 адад автомашина, 6 адад ҷуйбори обёрикунанда, дар деҳаи Барсем ба масофаи 250-300 метр, 1 адад ҷуйбори обёрикунанда дар деҳаи Бердибекобод ба масофаи 950 метр, 2 адад пули пиёдагард ва 2 адад пули мошингузар пурра хароб гаштаанд”.

Ба ҳисобҳои пешакии Кумита, зарари ин сел ҳудуди 19 миллиону 353 ҳазор сомониро ташкил додааст. Манбаъ афзуд, зарари асосӣ баъди канда шудани садди обанборе, ки дар пайи фаромадани сел ба вуҷуд омад, расидааст: "Феълан вазъ дар ҷои ҳодиса муътадил буда, сатҳи об поин фаромадааст".

Акс аз Фейсбук

Мӯҳр

Хабарҳои монанд:

Соир

Ин бародарони Нахзати аз фурсати муносиб истифода бурда мардумро бо гапи холи дилашонро пур карда истодаанд. Хай мешавад аз дасти шумохон хамин кадар кор ояд хам мешавад. Ку аз бародарони Нахзати нестай ягон ба дилу гурда ва гами мардума мехурдаги ягон Хона ё ягон маблаги пули ба мардум ёри дихад????????????????????????

Ҷавоб диҳед Иқтибос Шикоят

Мухочир

Соир,
Соир мегум ачаб басаводе будаи . ХНИТ -ро агар Хукумат натарсида рузаш дихад чи кумакхое мекунанд. барое ки дар хуни хар як мусалмони вокеи ва махсусан Аъзои ХНИТ хуни бо сифати одамият . Инсоният ва пур аз мехру дилсузи дошта метапад . на Хуни гуруру бадбинона, ва чиркин бар зидди Хамватанону бародарони худ равона дошта .

Ҷавоб диҳед Иқтибос Шикоят

Шоди

И нахзатихо ждат мекнан ки кай ягон мусибат шаваду худро хайрхох элон кунанд. хайрхохиро инсон бештар дар вакти тенчиги мекунад бародарои нахзати

Ҷавоб диҳед Иқтибос Шикоят

Офарин

Бе ХНИТ хам давлат худаш медонад чи кор кунад. аллакай корхои зиёд ичро шудаги. ХНИТ бра дам бгир.

Ҷавоб диҳед Иқтибос Шикоят

Исфара

Хизбхои киссаги чикор мекарда бошанд?

Ҷавоб диҳед Иқтибос Шикоят

Ali

Kumak be u-i daroz navishta meshavad. Соир,

Ҷавоб диҳед Иқтибос Шикоят

Точик

ОФАРИН чихел хакикат гу хасти бале хукумат медонад чи кор кунад аз дигар давлатхо кумак хоста истодааст барои он ки ягон кор аз дасти худаш намеояд. Як хукумат ки 19-20 млн сомониро ёфта наметавонад барои бартарафкунии офат вой бар холи ин гуна хукуматдорон

Ҷавоб диҳед Иқтибос Шикоят

Эзоҳ илова кунед