05 авг 2015 18:46Тоҷикистон / Рӯ ба рӯ

Додситонӣ изҳороти фармондеҳи “Воҳиди махсус”-ро дар масҷид месанҷад

Додситонии кулли Тоҷикистон мегӯяд изҳороти полковник Бароталӣ Ҳомидзода, фармондеҳи Воҳиди махсуси ВКД-ро дар мавриди он ки алайҳи пайравони равияҳои ғайриҳанафӣ чораандешӣ мешавад, мавриди санҷиш қарор хоҳад дод.

Абдураҳим Абдулҳасанов, сардори раёсати назорати иҷрои қонунҳо дар мақомоти амнияти миллии Прокуратураи генералии Тоҷикистон зимни як ҳамоиш дар Душанбе изҳор дошт, ки аз чунин изҳорот иттилое надоранд, аммо санҷиш мегузаронанд, ки полковники милиса дар кадом шакл ва аз номи кӣ чунин изҳорот додааст. Сардори раёсати назорати иҷрои қонунҳо дар мақомоти амнияти миллӣ таъкид намуд, ки Тоҷикистон кишвари дунявист ва ин масъули ВКД аз номи давлат ҳақ надорад, чунин изҳорот диҳад.

Ин дар ҳолест, ки Бароталӣ Ҳомидзода, сардори Воҳиди махсуси Вазорати умури дохилии Тоҷикистон, ки амнияти ҳаракати раисиҷумҳур ва меҳмонони олиқадрро дар роҳҳои кишвар таъмин мекунад, рӯзи 3 июл дар Масҷиди марказии шаҳри Душанбе гуфт, “нафароне, ки дар вақти намозгузорӣ тартибро риоя накарда, аз байни намоз хеста мераванд, ҳамчун узви равияҳои ғайр дониста шуда, нисбати онҳо чораандешӣ мешавад”.

Ба гуфтаи Ҳомидзода, дар тамоми масоҷиди Тоҷикистон аз ҳисоби кормандони мақомоти ҳифзи ҳуқуқ ва намозгузорон барои шиносоии пайравони равияву ҳаракатҳои ғайриҳанафӣ гуруҳҳои корӣ ташкил шудааст: “Дар ҷумҳурии мо бояд як мазҳаб - мазҳаби Имоми Аъзам амал намояду фаъолияти дигар мазоҳибу равияҳо бар асоси қонун манъ мебошанд. Ба хотири ошкор кардани чунин равияҳо аз ҳисоби намозгузорон ва мақомоти ҳифзи ҳуқуқ гуруҳҳои корӣ ташкил шуда, аъзои ғайримазҳаби Ҳанафияро ошкор ва ба ҷавобгарӣ кашидан пешниҳод мекунанд”.

Намояндаи Вазорати умури дохилии Тоҷикистон таъкид кард, ҳоло дар қаламрави ҷумҳурӣ қарорҳое алайҳи ришу ҳиҷоб гирифта нашудааст ва иқдомоте, ки роҳандозӣ мешаванд, ба хотири гиромӣ ва нигаҳдошти фарҳангу арзишҳои миллӣ мебошанд.

Мӯҳр

Хабарҳои монанд:

Гаи

Охир барои чи росташро икрор намешавед? Беш аз 95% кормандони макомоти хам милиса ва хам амният на конуни дунявиро медонанд ва на ухравиашро.

Ҷавоб диҳед Иқтибос Шикоят

Агашка

Эҳааа нав ба ёдатон омад, ки дар ин Республика исмоилияву православҳо ҳам ҳастанд?
Хэ хэ хэ хэ... дар ҷонакатон гардам милисаҳо!

Ҷавоб диҳед Иқтибос Шикоят

Бовари дорам ин полковник ин суханро аз пеши худ нагуфтааст. Аз боло фармон шудаги аст.

Ҷавоб диҳед Иқтибос Шикоят

бе ном

Бояд дар ҷумҳури ҳар як ташкилот кори худро иҷро кунад. Ин ташкилот кори худашро монда ба дигар кор мешғул аст. Беҳуда баҳуда дар автомашинҳои шахсиро медоранд.Оё дар кишвар ташкилоти махсусси ГАИ ҳаст ку онҳо ба чи кор машғул мебошанд.Шумо аввал худатон намоз хонед баъд ба намозхони дигарон кордор шавед.

Ҷавоб диҳед Иқтибос Шикоят

Хакикатчуй

Аз додситони илтимос агар баротали хомидзода гунахкор бошад илтимос уро паси панчара шинонед ки ба дигаронаш Дарси ибрат шавад. Озоди ташаккури бепоен.

Ҷавоб диҳед Иқтибос Шикоят

Хонанда

Барои чи раёсати назорати иҷрои қонунҳо дар мақомоти амнияти миллии Прокуратураи генералии Тоҷикистон ба ин савол чавоб медихад бояд ба ин савол раёсати назорати иҷрои қонунҳо дар мақомоти корхои дохилии Прокуратураи генералии Тоҷикистон чавоб дихад.

Ҷавоб диҳед Иқтибос Шикоят

Эзоҳ илова кунед