Аутотрансплантатсия
Маркази матбуоти Бемористони Ибни Сино
Инсон ҳамеша таваҷҷӯҳи хосе ба симои зоҳириаш дошт ва гоҳе як беморӣ метавонист сабаби тағйири симояш гардад. Яке аз чунин бемориҳо "калшавӣ" ё "алопетсия" ба шумор меравад. Мӯи сар нақши амиқе дар шаклгирии симои зоҳирии инсон мебозад. Тибқи иттилои мутахассисин калшавӣ сабабҳои зиёде дорад. Шакли аз ҳама бештар маъруфи ин беморӣ, "калшавии андрогенӣ" ба шумор меравад, ки сабаби пайдоишашро ба ҳормонҳо нисбат медиҳанд. Ин беморӣ ҳам дар мардҳо ва ҳам дар занҳо дида мешавад. Аз рӯи маълумоти мутахасиссин сеяки тамоми мардони аз 20 то 60 солаи саёраи Замин ба ин шакли бемории калшавӣ мубтало мебошанд.
Сабабҳои рехтани мӯй хеле зиёданд. Қадами аввалин дар табобати мӯй ташхиси дурусти шакли беморӣ ба шумор меравад. Барои ин кор ҷарроҳи зебоӣ мӯйро аз ташхси компютерӣ мегузаронад. Мутаассифона шаклҳои консервативии мубориза бо ин беморӣ чандон натиҷа намедиҳанд ва инсоният ҳоло дорӯеро ихтироъ накардааст, ки мӯйҳои рехта барқарор шаванд. Аммо дар ин ҷо ба ёрии инсон ҷарроҳии зебоӣ меояд, ки бахши пайвандкунии озоди бофтаҳо, имрӯз ба қисмате аз фаъолиятҳои он табдил ёфтааст. Дар шароити имрӯза аз ҳама чораи муосири мубориза бо ин бемориро мутахассисон дар ҷарроҳии зебоии кошти мӯйҳо мебинанд.
Бахши ҷарроҳии зебоии тибби муосир имрӯз усулҳои гуногуни кошти мӯйҳоро истифода мекунад. Бештари онҳо бо истифода аз дастовардҳои навтарини илми тибб ва таҷҳизоти замонавӣ дар муддати кӯтоҳ анҷом меёбанд. Амали ҷарроҳӣ таёрии пешакӣ наметалабад ва тақрибан аз 4 то 6 соат тӯл мекашад. Яке аз шартҳои муваффақияти амали ҷарроҳӣ, таҷриба ва маҳорати ҷарроҳи зебоӣ ба шумор меравад. Бинобар ин муроҷиат ба мутахассис аҳамияти вежа дорад.
Бахши ҷарроҳии зебоии Бемористони Ибни Сино тамоми ҷарроҳиҳои зебоии кошти мӯйҳоро бо истифода аз таҷҳизоти замонавӣ ва усулҳои навтирини илми тибб дар муддати кӯтоҳ анҷом медиҳад. Бахши ҷарроҳии зебоии бемористон бо таҷҳизоти замонавӣ муҷаҳҳаз гадидааст ва дар он мутахассисони варзидаи ватанӣ ва хориҷӣ фаъолият мекунанд. Дар бахши ҷарроҳии зебоии бемористон кошти мӯйи сар "аутотрансплантатсия" (дар сурати рехтани мӯйҳо) ва кошти абрӯвон (барқарор кардани абрӯвон бо роҳи кошти мӯй) амали мегарданд. Бемористон бо ташкилоти суғуртавии "Суғурати миллӣ" шартномаи ҳамкорӣ дорад ва шумо метавонед бевосита дар бемористон аз хизматрасонии он истифода баред. Бо ба даст овардани полиси суғуртавӣ Шумо ба маротиб хароҷоти худро кам мекунед.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |