Боздошти 5 шаҳрванди Афғонистон дар Душанбе
Хадамоти гумруки Тоҷикистон аз боздошти панҷ шаҳрванди Афғонистон ва як табааи кишвар хабар дод, ки дар хариду фурӯш ва интиқоли маводи нашъадор муттаҳам мешаванд.
Тибқи иттилои ин ниҳод, боздошти онҳо дар пайи ду амалиёт дар шаҳри Душанбе сурат гирифта, аз дастгиршудаҳо дар маҷмӯъ 132 килло ҳашиш ёфт ва мусодира кардаанд. Манбаъ мегӯяд, дар амалиёти аввал Кишвар валади Ҷаъфар соли таваллудаш 1952, Шероғо валади Сардормуҳаммад соли таваллудаш 1972, Муҳаммадёқуб валади Ғаффор соли таваллудаш 1971, сокинони вилояти Тахор ва Рузмуҳаммад Байлар соли таваллудаш 1976, сокини вилояти Қундузи Афғонистон дастигр шуда, аз сабукрави “Опел Сатурн”-и онҳо се халтаи калон дарёфт ва мусодира намудаанд, ки дар дохили онҳо 104 адад бастаҳои навъи ҳашиш бо вазни умумми 83 килою 548 грам мавҷуд будааст.
Дар пайи амалиёти дигар дар ҳудуди маҳаллаи Ховарони шаҳри Душанбе Азим валади Султон Муҳаммад соли таваллудаш 1974, сокини вилояти Тахори Афғонистон ва Ҳусниддин Хикматов, соли таваллудаш 1981, шаҳрванди Тоҷикистон бо гумони даст доштан дар муомилоти ғайриқонунии маводи мухаддир боздошт шудаанд: “Ҳангоми гузарониданги кофтукови воситаи нақлиёти тамғаи “Мерседес Бенс” аз бағоҷи он дар ду халтаи калон 50 адад бастаҳои селофанпечи бӯи ғализдошта дарёфт гардид, ки тибқи маълумотномаи коршиносон вазни холиси он 48 килою 620, граммро ташкил дода, ба маводи нашъаовари навъи “ҳашиш” мансуб мебошад”.
Ба иттилои Хадамоти гумрук, нисбати шахсони боздоштшуда бо дастрасии моддаи 200, қисми 4-и Кодекси ҷиноятии Тоҷикистон парвандаи чиноӣ боз шуда, барои тафтишоти минбаъда ба мақомоти Прокуратура ирсол гардидааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |