18 авг 2015 09:22CV / Дидгоҳи хос / Тема дня

14 ҳазор ҷаримаи ду карат соҳибкори беҳтарини Душанбе

Саидраҳмон Хидиров, мудири корхонаи “Сомонтаъминот”, ки ду сол пайи ҳам аз сӯи ҳукумати шаҳри Душанбе соҳибкори беҳтарини сол эътироф шуда, аз сӯи раисҷумҳур бо медали “Хидмати шоиста” қадрдонӣ гардидааст, барои нақзи қоидаи ҳаракат дар роҳ беш аз 14 ҳазор сомонӣ ҷарима шудааст.

Вазорати умури дохилии Тоҷикистон мегӯяд, Хидиров аз моҳи ноябри соли 2013 то моҳи феврали соли равон 83 бор қоидаи ҳаракат дар роҳро нақз карда, ин қоидавайронкуниҳоро дурбинҳои назоратии “Шаҳри бехатар” сабт намудаанд: “Ӯ дар маҷмӯъ, 14 ҳазору 210 сомонӣ ҷарима шуда ва ин маблағро тавассути шӯъбаи Бонки давлатии амонатгузории “Амонатбонк” ба буҷаи давлат гузарондааст”.

Вазорати умури дохилии Тоҷикистон афзудааст, Хидиров соҳиби як мошини тамғаи “Toyota Land Cruiser” буда, баъд аз пардохти ҷаримаҳояш боз чаҳор бори дигар қоидаи ҳаракат дар роҳро нақз кардааст, ки то ҳол маблағи ҷаримаи онҳо аз сӯи соҳибкор пардохт нашудааст.

Саидраҳмон Хидиров, директори Ҷамъияти дорои масъулияти маҳдуди “Сомонтаъминот” моҳи ноябри соли 2014 аз сӯи Эмомалӣ Раҳмон, раиси ҷумҳурии Тоҷикистон бо медали “Хидмати шоиста” қадрдонӣ шуда, солҳои 2013 ва 2014 аз рӯи номинатсияи “Истеҳсоли маҳсулоти саноати сабук” бо қарори Маҳмадсаид Убайдуллоев, шаҳрдори Душанбе соҳибкори беҳтарини сол эълон шудааст.

Мӯҳр

Хабарҳои монанд:

Чобулко

Вакте бачахакода унвону медал метен хамаи пахлухоша дидан даркор дия. Як камбагал мешуд аз галбер мегузарондед,

Ҷавоб диҳед Иқтибос Шикоят

орт

Боз Шахри бехатар..., уффффффффффф.....

Ҷавоб диҳед Иқтибос Шикоят

ш Душанбе

Вазорати умури дохилии Тоҷикистон , ......бовар куненд аз хамин шахри бехатар безор шудем....мошнхайкунира баст мекунем ....ба мухочират мерем.....охир ин чигап аст ..ин маблаге , ки шумо чарима мекунед дар агон даромади мо басанда нест...Худатон казоват кунед

Ҷавоб диҳед Иқтибос Шикоят

Эзоҳ илова кунед