ВИДЕО: Шикояти муассиси “Амр-Эгилик” аз тасмими ВКД
Мурод Шокиров, муассиси ҶДММ “Амр-Эгилик” мегӯяд, Вазорати корҳои дохилӣ мехоҳад, дар маҳалли корхонаи ӯ, воқеъ дар кӯчаи М.Мастонгулов-3 барои мошинҳои кормандони ҳифзи ҳуқуқ таваққуфгоҳ бунёд кунад: “Тибқи қарори раиси шаҳри Душанбе таҳти №245 аз 6-уми июли соли 2014 барои сохтани Академияи нави милитсия замин ҷудо карда шуд. Ин академия дар қитъаи замини ҳамсоя ҷойгир шуда, ҳоло сохтмони он идома дорад. Вазорати корҳои дохилӣ мехоҳад, корхонаи моро барҳам дода, ҷои он тавақуфгоҳ бисозад”.
Ин дар ҳолест, ки ба қавли Шокиров дар қарори раиси шаҳри Душанбе омадааст, Вазорати корҳои дохилӣ бинои Академияро дар ҳудуди замини ба ин вазорат вобастагардида, бе тағйир додани сарҳад, бунёд кунад: “Аз рӯи хулосаи додаи Кумитаи заминсозӣ ва геодезӣ замине, ки корхонаи мо ҷойгир аст, заминҳои хоҷагии ёрирасон буда, дар тавозуни Вазорати маорифи Тоҷикистон мебошанд”.
Мурод Шокиров мегӯяд, ҶДММ “Амр-Эгилик” соли 2008 дар якҷоягӣ бо Раёсати қушунҳои дохилии ВКД оид ба таъминоти либос ва таҷҳизоти низомӣ таъсис ёфтааст: "Соли 2009 корхонаро аз ҳисоби маблағҳои худамон сохтем. Аз давлат ягон хел маблағ нагирифтаем. Ҳамон сол бояд ҳуҷҷатгузорӣ мекарданд, аммо Раёсати қушунҳои дохилӣ ҳуҷҷатгузорӣ накард. Аз рӯи қонуни авфи молу мулк ҳамон сол мо корхонаро қонунӣ гардонидем".
Ба гуфтаи ӯ, корхона дар гузашта ба дӯхтани сару либоси низомӣ машғул буд ва инчунин зиёда аз 35 намуди маҳсулот мебаровард: “Дар ин корхона зиёда аз 20 нафар кор мекарданд, аз ҷумла 15 зане, ки дар вақти ҷанги шаҳрвандӣ ҳамсарҳояшон кушта шудаанд. Маоши онҳо аз 700 то 1500 сомониро ташкил медод. Аммо соли 2014 бе ҳалномаи суд Вазорати корҳои дохилӣ як қисми корхонаро чаппа карданд”.
Шокиров афзуд, бо сабаби он ки корҳои сохтмонии бунёди Академия идома дорад, ҳоло корхонаи онҳо танҳо як намуди консерва истеҳсол мекунад.
Талоши мо барои дарёфти шарҳи Вазорати умури дохилӣ дар ин замина бенатиҷа буд ва дар сурати дастрас шудани шарҳи ин ниҳод он нашр мешавад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
