Аз “тест”-и таърихи дунёи қадим то устувории “пресс”-и бадан. Барномаи Олимпиадаи ҳаракати олимпӣ
Душанбе мизбони аввалин Олимпиадаи байналмилалӣ оид ба ҳаракати олимпӣ миёни ҷавонони кишварҳои узви Иттиҳоди давлатҳои мустақил (СНГ) мешавад.
Умеда Юсупова, як масъули Академияи миллии олимпии Тоҷикистон имрӯз, 20 август ба “Озодагон” гуфт, олимпиадаи мазкур аз 24 то 29 августи соли 2015 бо дастгирии молиявии Хазинаи байнидавлатии ҳамкории башардӯстонаи ИДМ баргузор мешавад. Ба қавли ӯ, дар ин сабқат духтарон ва писарони аз 18 то 25-сола аз 8 кишвари аъзои ИДМ (Тоҷикистон, Арманистон, Белорусия, Қирғизистон, Молдова, Русия, Украина ва Узбакистон) иштирок хоҳанд кард: “Ҳамагӣ дар чорабинии мазкур ҳудуди 60 нафар иштирок меварзад”.
Хонум Юсупова ҳадафи Олимпиада оид ба ҳаракати олимпиро омӯзиши ҳаматарафаи таърихи пайдоиш ва рушди ҳаракати олимпӣ, таҳкими ҳамкорӣ ва сулҳу дӯстӣ байни миллатҳои кишварҳои ИДМ арзёбӣ кард: “Ба барномаи Олимпиада санҷиш (250 савол) оид ба таърихи рушди Ҳаракати олимпӣ, аз таърихи дунёи қадим то имрӯз ва мусобиқаҳо аз панҷ намуди варзиш: дав дар масофаи 100 метр, дав дар масофаи 1000 метр, ҷаҳиш, дар турник боло бардоштан (ҷавонон) ва афшурдан аз курсӣ (духтарон), инчунин устувории пресси бадан дохил мешаванд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |