“Тоҷик-Эйр” имсол зоирини тоҷикро ба Ҳаҷ намебарад
Ҳавопаймоҳои ширкати давлатии Тоҷикистон - “Тоҷик-Эйр” имсол зоирини тоҷикро ба зиёрати Хонаи Худо нахоҳанд бурд.
Масъулини ин ширкат мегӯянд, азбаски ҳавопаймоҳои “Тоҷик-Эйр” ба интиқоли мусофирон дар масирҳои дигар машғуланд, аз иштирок дар мавсими “Ҳаҷ-2015” худдорӣ кардаанд. Мунаввар Мулочаев, сухангӯи ширкати “Тоҷик-Эйр” рӯзи 20 август дар суҳбат бо “Озодагон” гуфт, “имсол маслиҳат шуд, ҳоҷиёнро ба Арабистони Саудӣ ҳавопаймоҳои “Сомон-Эйр” интиқол диҳанд, чун он ҳам ширкати ватанӣ аст”.
Ҷаноби Мулочаев таъкид кард, онҳо ният доранд, парки ҳавопаймоии худро нав кунанду дар оянда дар сафарбаркунии зоирини тоҷик ба Хонаи Худо дубора саҳм гузоранд.
Тибқи иттилои масъулини Кумитаи дин, имсол 50 дарсади зоирини тоҷикро ба Арабистони Саудӣ ширкати хусусии “Сомон-Эйр”-и Тоҷикистон ва 50 дарсади дигарро ширкати саудии “Flynas” интиқол хоҳанд дод. Дар ҳоле ки то имсол сафарбаркунии ҳоҷиёни тоҷик тавассути ширкати давлатии “Тоҷик-Эйр”-и Тоҷикистон низ сурат мегирифт.
Ҳаҷ аз ҷумлаи аркони панҷгонаи дини мубини Ислом аст, ки барои ҳар мусалмони ба балоғатрасида ва тавоно фарз мебошад. Ҳамасола аз Тоҷикистон ҳудуди шаш ҳазор барои зиёрати Хонаи Худо ба Макка мераванд. Ба иттилои Кумитаи дин, нархи сафари ҳаҷ имсол барои зоирини тоҷик 22 ҳазору 906 сомониву 98 дирам муқаррар шуда, қарор аст, аввалин парвози ҳоҷиён ба Арабистони Саудӣ аз Тоҷикистон 29 августи соли равон сурат бигирад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |