Ҳабси пешакии Фахриддин Зокиров, вакили пешини Зайд Саидов
Фахриддин Зокиров, собиқ вакили мудофеи Зайд Саидов, соҳибкори зиндонии тоҷик, ки рӯзи 21 август аз ҷониби мақомот боздошт гардид, 15 рӯз ба ҳабси пешакӣ гирифта шудааст. Дар ин бора, имрӯз 24 август як манбаъ аз Колегияи адвокатҳои мустақили Душанбе ба “Озодагон” иттилоъ дода, афзуд, қарори мазкурро Додгоҳи шаҳри Душанбе содир намудааст.
Манбаи “Озодагон” гуфт, Зокиров дар "тамаъҷӯӣ" муттаҳам мешавад: "Гӯиё барои ҳимояи як сокини шаҳри Душанбе 5 ҳазор доллар талаб кардааст".
Ин барои дувумин бор аст, ки Фахриддин Зокиров аз ҷониби мақомот боздошт мешавад. Бори аввал ӯ шаби 6 марти соли 2014 аз сӯи кормандони Оҷонсии назорати давлатии молиявӣ ва мубориза бо коррупсия боздошт шуд ва алайҳи ӯ тибқи моддаи 247 (қаллобӣ)-и Кодекси ҷиноии Тоҷикистон парванда боз гардид. Зокиров баъди баргузории чанд мурофиа 3 ноябри соли 2014 бар асоси қонуни афв раҳо шуд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |