24 авг 2015 11:42Тоҷикистон / Иқтисодӣ

Чораи ҳукумат дар даврони буҳрони молиявӣ (НАВШУДА)

Вазорати молияи Тоҷикистон мегӯяд, бар асоси протоколи маҷлиси ҳукумат вазорату идораҳо, ташкилоту муассисаҳои давлатӣ ва мақомоти иҷроияи маҳаллии ҳокимияти давлатиро вазифадор кардааст, маблағҳои буҷети давлатиро танзим ва назорат намоянд. Дар ин бора аз ниҳоди мазкур имрӯз, 24 август ба “Озодагон” иттилоъ доданд.

Ба иттилои манбаъ, протоколи мазкур бо назардошти буҳрони молиявӣ таҳия шуда, дар он таъкид мешавад, ки “ҷиҳати таъмини хароҷоти самараноки маблағҳои буҷети давлатӣ, пешгирӣ намудани хароҷоти дуюмдараҷа барои хоҷагидорӣ ва истифодаи воситаҳои нақлиётии хизматӣ, сарфаю сариштакорӣ роҳ надодан ва исрофкорӣ мунтазам чораандеши намоянд”.

Як масъули Вазорати молияи Тоҷикистон имрӯз, 24 август дар суҳбат ба “Озодагон” гуфт, тибқи ин протокол истифодаи нақлиётии хизматӣ аз ҷониби мансабдорон маҳдуд карда мешавад. Ӯ афзуд, барои сӯзишвории нақлёти хизматии мансабдорон аз ҳисоби буҷаи давлат маблағ сарф мешавад ва дар пайи буҳрони молиявӣ аллакай ба ниҳодҳои давлатӣ дастур шудааст, истифода аз мошинҳои хизматиро кам намуда, аз нақлиёти ҷамъиятӣ истифода баранд: ”Лекин гуфта нашудааст, ҳама бояд аз нақлиёти хизматӣ қатъиян даст кашанд, танҳо дастур шуда, ки дар ҳар вазорату идораҳо маҳдуд карда шавад. Амалишавии ин масъала таҳти назорат аст”.

Мӯҳр

Хабарҳои монанд:

Cамандар

Мошинхои хизмати ба номанд, дар асл, аз хисоби буча- яъне кисаи андозсупорандагон мансабдорон маишат мекунанд. Оила, хешу табор, махбубахои 18- 20 сола хама савори мошинхои сиёхшишаи хизматианд.
Агар ракамхои хукумати бошанд, ГАИ хам боздошт намекунад, хатто рузхои шанбе ва якшанбе, хама ба пеш, ба Варзобу Ромит! Собунфуруши бечораро кормандони налог чонбезор мекунанд, биё, тез андози миеншиканаро биспор, то мансабдорон сари вакт маоши хангуфту мошинхояшонро заправка кунанду ба шикор бароянд.

Ҷавоб диҳед Иқтибос Шикоят

Бадал

Озодагон Президент ваъда дода буд аз сентябр маош зиед мешавад чаро фармонаш набаромад. Дар дигар солхо 10-15уми август ба мебаромад. Ин мавзуъро пайгири кунед.

Озодагон Президент ваъда дода буд аз сентябр маош зиед мешавад чаро фармонаш набаромад. Дар дигар солхо 10-15уми август ба мебаромад. Ин мавзуъро пайгири кунед.

Ҷавоб диҳед Иқтибос Шикоят

ачам

кай фармони баланд кардани маош мебаромада бошад.......

Ҷавоб диҳед Иқтибос Шикоят

Эзоҳ илова кунед