Tcell: Барои бастани “Ютуб”-у "Фейсбук" дастур нагирифтаем
Як масъули ин ширкат, имрӯз 25 август ба "Озодагон" гуфт, ҳеч дастури хаттӣ ва шифоҳие барои масдуд кардани шабакаҳои иҷтимоӣ дар Тоҷикистон дарёфт накардаанд: "Тавассути ширкати мо бе ягон мушкил шабакаҳои иҷтимоӣ боз мешавад".
Ин дар ҳолест, ки аз субҳи имрӯз дастрасӣ ба шабакаҳои иҷтимоии "Фейсбук" ва "Ютуб" тариқи бархе ширкатҳои фароҳамкунандаи интернет дар Тоҷикистон масдуд шудааст. "Озодӣ" бо такя ба як манбааш аз Хадамоти алоқа навишт, дар нимаи дувуми рӯзи душанбе ба ширкатҳои интернетрасон гуфтаанд, "Фейсбук" ва "Ютуб"-ро барои як муддат масдуд кунанд. Аммо ин манбаъ далели масдуд кардани шабакаҳои иҷтимоиро шарҳ надода, танҳо гуфтааст: “Субҳи имрӯз низ ба ширкатҳои дастраскунандаи Интернет нома фиристода шуд, то ин ду шабакаи иҷтимоиро муваққатан бубанданд".
Масдуд шудани сомонаҳо, ба вижа шабакаҳои иҷтимоӣ дар Тоҷикистон амали нав нест. Дар гузашта низ борҳо чандин торнамоҳо дастнорас шудаанд. Ширкатҳои фароҳамкунандаи интернет мегӯянд, бо дастури Хадамоти алоқа ин кор анҷом мешавад. Аммо Алибек Бекназаров, сардори департаменти иттилоотонии Хадамот рӯзи 30 июли соли равон дар нишасти хабарие дар Душанбе гуфт, онҳо ба ширкатҳои фароҳамкунандаи интернет барои масдуд кардани торнамоҳо дастуре надодаанд. Оқои Бекназаров афзуд, вақте ширкатҳои мобилӣ ё фароҳамкунандаи интернет мегӯянд, бо дастури Хадамоти алоқа торнамоҳоро масдуд ё дастнорас кардаанд, аз онҳо нусхаи ин дастурро талаб кунед. Ӯ дар идома гуфт: “Кӣ, кай дар куҷо супориш додааст? Ба кадом ширкат Хадамоти алоқа супориш додааст, ба кадом тариқ - хаттӣ ё шифоҳӣ? Ба ҳамон ширкате, ки шумо аз интернеташ истифода мебаред, муроҷиат кунед, то ба шумо ҳамон дастурро бидиҳад”.
Бори охир шабакаҳои иҷтимоӣ замоне масдуд шуд, ки Гулмурод Ҳалимов, собиқ фармондеҳи 40-солаи дастаи таъйиноти махсуси ВКД ё “ОМОН”-и Тоҷикистон баъд аз як моҳ бедаракӣ, рӯзи 27-уми майи соли равон дар навори видеоие аз пайвастанаш ба созмони террористии “Давлати исломӣ” хабар дод.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
