27 авг 2015 16:10Тоҷикистон / Иҷтимоӣ

Дархост барои бастани нуқтаҳои шустушӯи мошин дар соҳили Варзоб

Кумитаи ҳифзи муҳити зисти Тоҷикистон хостори қатъи фаъолияти бархе нуқтаҳои шустушӯи мошинҳо дар соҳили дарёи Варзоб шудааст.

Саидмуҳиддин Маҳмадаминов, як масъули Кумитаи ҳифзи муҳити зист имрӯз, 27 август гуфт, дар пайи як санҷиш муайян намуданд, яке аз сабабҳои ифлос гардидани оби ошомиданӣ фаъолияти ғайриқонунии нуқтаҳои шустушӯи мошинҳо дар соҳили дарёи Варзоб будааст.

Ӯ, ки дар маҳфили “Эко журналистика”-и кумита суҳбат мекард, гуфт, дар робита ба ин масъала ба ҳукумати ноҳияи Варзоб мактуби расмӣ ирсол карда, дархост намудаанд, фаъолияти нуқтаҳои шустушӯи мошинҳое, ки боиси ифлос гардидани оби ошомиданӣ мегарданд, қатъ шаванд: “Бубинед, ҳамин обе, ки дар шаҳри Душанбе мардум истеъмол мекунанд, аз ҳамон ҷо меояд. Обе, ки дар чунин нуқтаҳо мошинҳояшонро мешӯянд, ба дарё меравад, дар наздашон ҳавзҳои махсус нест”.

Саидмуҳиддин Маҳмадаминов мегӯяд, дар баробари нуқтаҳои шустушӯи мошинҳо, “баъзан ҳолатҳое ба назар мерасад, ки сокинон партовҳоро ба дарё мепартоянд, ки ин ҳам боиси ифлос гардидани оби ошомиданӣ мегардад”.

Мӯҳр

Хабарҳои монанд:

сабо

ин точики точдор кай аклаш меояд ки бифахмад ки аз нигохи дини ислом обро набояд ифлос кард.

Ҷавоб диҳед Иқтибос Шикоят

Точик

на ин ки танхо оби ифлоси нуктахои мошиншуи, балки обхои ифлоси хонахои дар бари дарё буда(хочатхона ва хаммом) низ ба оби Варзоб ворид шуда, хама партовхои онхо ба ин дарё партоб карда мешаванд.

Ҷавоб диҳед Иқтибос Шикоят

Киём

Дар мошиншуихо ва мошин таъмирихои рохи Душанбе - Варзоб бозори сиёх низ амал мекунад.Он чо ба осоишихо молхои мамнуъ хам пешниход мешаванд, ки "статья" хошон бисьёёёр вазнинаст.БАСТАНАШОН савобаст.

Ҷавоб диҳед Иқтибос Шикоят

Эзоҳ илова кунед