10 сен 2015 14:45Тоҷикистон / Сиёсат

Тасмими падари Нуралӣ Ҳайдаров барои муроҷиат ба Додситони кулл

Падари Нуралӣ Ҳайдаров, сарбози фавтидаи тоҷик мегӯяд, барои пайгирии қазияи марги писараш ба Додситони кулл муроҷиат мекунад.

Мирзоалӣ Ҳайдаров имрӯз, 10 сентябр дар суҳбат ба “Озодагон” гуфт, ахиран ба қисми ҳарбии 2803-и мустаққар дар вилояти мухтори куҳистони Бадахшон, ки писараш онҷо адои хидмат мекард, рафтааст. “Бо ҳамхизматони писарам суҳбат кардам, мегӯянд, писарам яроқро дуздида гурехтаст. Ягонтоаш қоил намешаванд. Ҳама ҷоро дидам, ягон ҷойе, ки гурехта шавад, нест. Дарёро низ дидам, обаш то зону. Сокинони онҷо гуфтанд замони гум шудани писари ман низ оби дарё кам будааст”,-афзуд ӯ.

Нуралӣ Ҳайдаров баҳори соли 2014 аз тарафи Комиссариати ҳарбии ноҳияи Шаҳритус ба хизмати ҳарбӣ даъват шуда, дар Отряди сарҳадии “Ишкошим”-и Сарраёсати Қӯшунҳои сарҳадии КДАМ хизмат мекардааст. Сарраёсати қушунҳои сарҳадии КДАМ бо нашри як иттилоия гуфта буд, Нуралӣ Ҳайдаров рӯзи 22 июли соли равон дар вақти адои хизмат, бе ягон сабабҳои узрнок, бо яроқи оташфишон ҷои хизматро худсарона тарк намуда, ба самти номаълум ғайб мезанад: “Дар натиҷаи чорабиниҳои ҷустуҷӯӣ, 28 июли соли равон, дар наздикии деҳаи Лангари ноҳияи Ишкошим, ҷасади номбурда аз шохоби дарёи Панҷ, дарёфт мегардад, аммо яроқи вобасташуда ва 120 дона тирҳое, ки аскари қаторӣ Нуралӣ Ҳайдаров ҳангоми тарки маҳалли хизмат бо худ бурда буд, то ҳол ошкор нагардидаанд”.

Бо дархости волидони ин сарбоз, рӯзи 7 август ҷасади ӯ барои ташхис аз қабр берун карда шуд. Падару модари сарбоз иддао доранд, ҷасади дафншуда писари онҳо нест. Ҳуснигул Сулаймонова, модари Нуралӣ қаблан дар суҳбат ба “Озодагон” гуфта буд, “писарам зери каши дасташ холи сиёҳи гуштӣ дошт, аммо шавҳарам гуфт, ҷасаде, ки аз хок бароварданд, он нишониро надошт. Гушҳои писари мо калон ва худаш бузургҷусса набуд, ки ин нишонаҳо ҳам дар ҷасади дафншуда дида нашуд”.

Мирзоалӣ Ҳайдаров, падари Нуралӣ ҳам изҳор дошт, “вақте ҷасадро канданд, нишонаҳояшро кофтам, наёфтам. Ҷасади гуршуда қади баланд дошт, пояш андозаи 45 буд, писари ман 39-40 мепӯшид ва қадаш дароз набуд”.

Мӯҳр

Хабарҳои монанд:

Мухлис

Бад мегуем, ки аз аблва мегурезанд. Ин чунин мегуем, ки бояд давлати худро дуст дошт оё агар бачои хамин писар писари Шумо бошад давлатро дуст медори?? ва фарзандони падараш албата газабнок мешаванд ва барои хар кор тайёранд, ки ягон макомот меши рохашро гирифта наметонад

КАТРА - КАТРА ЧАМ ШАВАД ОКИБАТ ДАРЁ ШАВАД ХАМИНХЕЛ ОИЛАХОИ НОРОЗИ РУЗ ТО РУЗ ЗИЁД ШУДЕСТАСТ КИ ОКИБАТАШ ХАТАРНОК АСТ

Ҷавоб диҳед Иқтибос Шикоят

Юсуф

Артиши Тоҷикистон монанди гирдоб аст. Гоҳ-гоҳе сарбозонро ба қаъри марговари худ мекашад. Аз чи боис фақат наваскаронро! Пас кадом падару модар фарзанди хешро бо дили пур ба ин артиш месупорад. Дақиқан, ҳеҷ кадом!

Ҷавоб диҳед Иқтибос Шикоят

Чек

Бародарони Азаиз ва Апаву хохаро ин хизмат аст сар боз бояд аз чои хизмати худ бе ичозат набарод... Барои Ватан Модар фарзандонамонро хам дарег бояд надорем!!! Ин хамааш кори Худо!!!

Ҷавоб диҳед Иқтибос Шикоят

Эзоҳ илова кунед