11 сен 2015 15:18Тоҷикистон

Марги саркардаи “қотилон”-и тиллофурӯшҳо дар “СИЗО”-и Суғд

Муҳиддин Раҳматов, саркардаи эҳтимолии муттаҳамон дар қатлу ғорати тиллофурӯшону саррофони вилояти Суғд бар асари сактаи қалб дар боздоштгоҳи муваққатии шаҳри Хуҷанд ҷон додааст.

Дар ин бора ба “Озодагон” аз Раёсати зиндонҳои Тоҷикистон хабар дода, афзуданд, ҳодиса чанд рӯз қабл дар пайи он рух додааст, ки Муҳиддин аз боздошти бародару бародарзодааш дар Русия ва истирдодашон ба Тоҷикистон огоҳ шудааст.

Қаблан вазорати умури дохилӣ бародарон Муҳиддин ва Олим Раҳматовҳоро бо ҳамроҳии дигар наздиконашон дар қатли тиллофурӯшу саррофони шимоли Тоҷикистон муттаҳам кард. Дар қатори ҷиноятҳои мудҳиш қатли Бобоевҳо ва саррофон -- Бурҳоновҳо зикр мешаванд.

Манбаъ мегӯяд, бародарон Раҳматовҳо рӯзи 2 июни соли 2013, тахминан соати 03:00 дақиқа тавассути девори ҳавлии ҳамсоя вориди манзили зисти соҳибкори инфиродӣ - шаҳрванд Аҳмадхуҷа Бобоев шуда, бо истифода аз силоҳи оташфишони “Калашников” соҳибхона – Бобоеву ҳамсараш – Ҳаётхони 39-сола ва фарзандони ноболиғи онҳо – Рухшона Бобоеваи 16-сола ва Суҳроб Бобоеви 15-соларо қатл карда, фарзанди хурдии хонавода – Санҷарбек Бобоеви 7-соларо дар ҳаммоми ин манзил маҳкам намудаанд ва тамоми ҷавоҳироти тиллоиро тасарруф ва бо мақсади рӯйпуш намудани ҷиноят хонаро оташ зада, аз ҷойи ҳодиса ғайб задаанд, ки бар асари сухтор фарзанди хурдии хонавода низ аз дуди оташ заҳролуд шуда, ба ҳалокат расид.

Мӯҳр

Хабарҳои монанд:

Фирдавс

Куштанд....

Ҷавоб диҳед Иқтибос Шикоят

Шахбоз

Исо ба рохе дид яке кушта фитода, Хайрон шуду бигирифт ба дандон сари ангушт, Бигуфто ки киро кушти то кушта шуди зор, То боз ки уро бикушад он ки туро кушт. (узр агар хатоги бошад)

Ҷавоб диҳед Иқтибос Шикоят

Ромиш

Ачоиб, ин макомотхо аввал зада мекушанд, баъд мегуянд, ки бар асари сактаи дил ё худаш афтоду мурд. Тоба, ин бача гунахгор буд, вале шумо хакки куштани уро надоштен, пагох дар рузи киёмат чи чавоб медихед? Ё ки бовар надоред ба рузи киёмат?

Ҷавоб диҳед Иқтибос Шикоят

Эзоҳ илова кунед