15 сен 2015 11:22Тоҷикистон / Тема дня

Сипоси Э.Раҳмон барои ҳимояти Путин аз амалиёт алайҳи Ҳоҷӣ Ҳалим ва нигаронияш аз ихроҷи муҳоҷирон (АКС)

Эмомалӣ Раҳмон, раисиҷумҳури Тоҷикистон ба Владимир Путин, раисиҷумҳури Русия барои дастгирӣ аз тадобири амниятӣ, аз ҷумла амалиёт алайҳи гуруҳи Абдуҳалим Назарзода изҳори сипос кардааст.

Тибқи иттилои дафтари матбуоти раисиҷумҳури Тоҷикистон, дар мулоқоти ҷонибҳо, Эмомалӣ Раҳмон нахуст ба Русия ва шахсан ба Владимир Путин барои дастгирӣ аз тадбирҳои амниятии Тоҷикистон дар оғози моҳи сентябр ва ҳам барои фиристодани кумаки башардӯстона ба осебдидагони офатҳои табиӣ дар кишвар изҳори миннатдорӣ кардааст.

Ба иттилои манбаъ, дар посух Владимир Путин бори дигар омодагии Русияро барои дастгирии ҳамаҷониба аз рушди Тоҷикистон баён дошта, Русияву Тоҷикистонро иттифоқчӣ хондааст.

Дар идома раисиҷумҳури Тоҷикистон аз коҳиш ёфтани содироти маҳсулоти кишоварзии Тоҷикистон ба Русия изҳори нигаронӣ карда, пешниҳод намудааст, ки барои ислоҳи ин камбудӣ дар ҳудуди Тоҷикистон корхонаҳои муштараки коркарди маҳсулоти кишоварзӣ барои содирот ба Русия таъсис ёбанд: "Таъкид гардид, ки имконоти беандоза зиёди рушди ҳамкорӣ дар бахшҳои истихроҷ ва коркарди канданиҳои фоиданок, нақлиёт, энергетика, алоқа ва робитаҳои мустақими байни минтақаҳои ду кишвар бояд васеъ истифода шаванд”.

Масоили муҳоҷирон низ аз мавзӯҳои меҳварии мулоқоти Эмомалӣ Раҳмон ва Владимир Путин буда, тибқи иттилоияи расмии ҷониби Тоҷикистон масъалаи осон кардани будубоши тоҷикон дар Русия мавриди баррасӣ қарор гирифтааст: “Аз он, ки беш аз 300 ҳазор шаҳрванди Тоҷикистон бо сабаби содир намудани ҳуқуқвайронкуниҳои маъмурии камаҳамият аз ҳаққи воридшавӣ ба ҳудуди Русия маҳрум гардидаанд, изҳори нигаронӣ карда шуд”.

Баррасии ихроҷи 300 ҳазор муҳоҷири тоҷик аз Русия дар сатҳи роҳбарони ду кишвар дар ҳолест, ки Тоҷикистон чанд сол боз талош дорад, то Русия ихроҷшудагон барои қонунвайронкуниҳои маъмуриро афв кунад.

Мӯҳр

Хабарҳои монанд:

мухочир

Тезтар ба Евразес аъзо шавед Дигар илоч нест.ин300000 баназдики1млн мешавад.баъд дер мешавад!!!!!!!!!!!!!!!!!!!!!!?

Ҷавоб диҳед Иқтибос Шикоят

Маниш

Бовар кунед безор кардед шумо мо мардумро бо ин афсонахоятон

Ҷавоб диҳед Иқтибос Шикоят

Россия чи хак дорад, ки ба ходисахои дохилии Точикистон дахолат мекунад? Магар зури Точикистон бо 7-8 нафар "террорист" намерасад? Ин генералхои МВД ва дифоъ пагонхоро барои чи гирифтаанд?

Ҷавоб диҳед Иқтибос Шикоят

менуянду мехуранду мераванд вале проблема мемонад

Ҷавоб диҳед Иқтибос Шикоят

Юсуф

То кай домани Русияро гирифта, инқадар шарманда мешавед? Хизмат бе миннат намешавад. Бо роҳи худатон равед. Корхонаҳо созед. Дар ТҶ ғайр аз қоғази туалет вп Хуаксин сементи яъҷуҷу маҷуҷ, ҳатто қаламу ручкаи мактабӣ сохта намешад. Шарм намедоред?

Ҷавоб диҳед Иқтибос Шикоят

ХАЙЁМ

Аз ПУТИНАКО факат илтимос кунен, ки бар ивази 42 соли "ОКНО"
шароити будубоши МУХОЧИРИНРО ба мисли киргизхо бе "ДЕПОРТАТЦЯ"
кунен, то 2000000 нафар мухочирро дигар гам натиян , барои оромии
Точикистон дигар ГАМ нахурен, чун мо "ВАТАНРО БЕШ АЗ ХАР ВАКТА ДОРЕМ ДУСТТАР" !!!!!

Ҷавоб диҳед Иқтибос Шикоят

karim

Мо точикон чунин сарвари одилро фаромуш нахохем кард.

Ҷавоб диҳед Иқтибос Шикоят

hasanjon

Мисли харвакта, Президенти ТЧ мегуяду Путин хап аст........

Ҷавоб диҳед Иқтибос Шикоят

Эзоҳ илова кунед