36 ҳолати худкушӣ дар як моҳу 17 рӯз дар шимоли Тоҷикистон
Дар минтақаи шимоли Тоҷикистон боз ду ҳолати даст ба худкушӣ задани сокинон ба қайд расидааст.
Аз мақомоти ҳифзи ҳуқуқ ба хабаргузории “Озодагон” иттилоъ доданд, ки рӯзи 15 сентябр бошандаи ноҳияи Бобоҷон Ғафуров ба ҷонаш қасд кардааст: “Як донишҷӯдухтари соли дуюми яке аз донишгоҳҳои шаҳри Хуҷанд, ки 19 сол дошт, дар манзили зисташ худро ба дор овехтааст”.
Бино ба иттилои манбаъ, инчунин рӯзи гузашта дар ноҳияи Зафаробод як марди 56-сола, оиладор ва соҳиби 5 фарзанд худкушӣ кардааст: “Санаи 16 сентябри соли равон, тахминан соати 09:55, сокини ҷамоати деҳоти Равшани шаҳраки Гулистони ноҳияи мазкур дар оғилхонаи манзили истиқоматиаш худро овехтааст”.
Манбаъ дар идома гуфт, ҳангоми азназаргузаронии ҷасадҳо ягон аломати зӯроварӣ ба мушоҳида нарасидааст: “Айни замон, мақомот сабаби аслии даст ба ин кирдор задани донишҷўдухтар ва ошпазро дақиқ мекунад”.
Бино ба иттилои мақомоти ҳифзи ҳуқуқ, тайи як моҳу ҳабдаҳ рӯзи ахир дар минтақаи вилояти Суғд 36 ҳолати даст ба худкушӣ задани шаҳрвандон ба қайд расидааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |