Муайян шудани мавзӯи хутбаи намози ҷумъа ва далели Ғиёсов алайҳи ҲНИТ
Раҳбарияти Кумитаи дин ва Маркази исломии Тоҷикистон, имрӯз, 18 сентябр дар мулоқот бо имомхатибони масоҷиди Душанбе тасмим гирифтаанд, дар хутбаи намози ҷумъа перомуни "ҷонибдории Ҳизби наҳзати исломии Тоҷикистон аз гуруҳҳои террористӣ" суҳбат кунанд.
Тибқи иттилоияи расмӣ, ин мулоқот бо ҳузури Сулаймон Давлатзода, раҳбари Кумита оид ба корҳои дин, танзими анъана ва ҷашну маросимҳои миллӣ, Ҷумъахон Ғиёсов, муовини ӯ, Саидмукаррам Абдуқодирзода, раиси Маркази исломии Тоҷикистон, Асомуддинзода Тоҷиддин, ректори Донишкадаи исломии Тоҷикистон, сархатибон, имом-хатибон ва мудирони бахшҳои дини шаҳру ноҳияҳои тобеи ҷумҳурӣ дар Донишкадаи исломӣ баргузор гардидааст.
Ҷумъахон Ғиёсов зимни мулоқот ба ҳаводиси ахири хунин дар кишвар ишора карда, таъкид намудааст, гуруҳе зери ниқоби дини Ислом даст ба ҷинояткориҳо зада, кушиш мекунанд, сулҳу суботи Тоҷикистонро халалдор кунанд. “Мавқеи бетарафӣ, ки ҲНИТ вобаста ба ин ҳодисаҳо ишғол намуд, аз он шаҳодат медиҳад, ки роҳбарону аъзои ҳизби наҳзат ҷонибдори гуруҳи террористон мебошанд”,-далел овардааст ноиби раиси Кумитаи дин.
Роҳбарони умури дини Тоҷикистон тасмим гирифтаанд, нуқтаҳои муҳими мулоқотро имрӯз, 18 сентябр дар хутбаи намози ҷумъа барои намозгузорон ироа кунанд.
Додситонии кулли Тоҷикистон 17 сентябр боздошти 13 узви раёсати Ҳизби наҳзати исломии кишварро тасдиқ карда, онҳоро дар экстремизм, қасди нооромсозии кишвар ва даст доштан дар ҷиноятҳои гуруҳи Ҳоҷӣ Ҳалим муттаҳам кардааст. Дар акс Ҷумъахон Ғиёсов
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |