Исломшиноси №1-и назди Президент дар бораи манъи ҲНИТ: Фармонҳо бояд бечунучаро иҷро шаванд...
Додситонии кулли Тоҷикистон аз Додгоҳи Олӣ дархост кардааст, ки фаъолияти Ҳизби наҳзати исломӣ дар кишвар мамнуъ эълон шавад.
Дар ин бора ба “Озодагон” аз мақомот хабар дода, аз ифшои ҷузъиёти бештар худдорӣ карданд.
Ин дархост дар ҳолест, ки 28 августи соли равон Вазорати адлияи Тоҷикистон бо ирсоли як огоҳинома унвонии Ҳизби наҳзати исломи Тоҷикистон аз роҳбарияти ин ҳизб қатъи фаъолияти ба гуфтаи ин ниҳод ғайриқонуниашро талаб намуда буд.
Дар шарҳи дархостҳо барои қатъи фаъолияти ҲНИТ ва пайомадҳои он Файзулло Баротзода, директори Маркази исломшиносии назди президенти Тоҷикистон ба хабаргузории миллии “Ховар” гуфтааст, «қарору фармонҳое, ки аз ҷониби вазорату кумитаҳо ва ниҳодҳои масъули ҳар як давлат пешниҳод мегардад, бояд бе чунучаро ҳам аз ҷониби шаҳрвандон ва ҳам аз ҷониби ҳизбу ҷараёнҳо ва дигар ниҳодҳое, ки дар қаламрави ҷумҳурӣ фаъолият мекунанд, иҷро карда шаванд. Ба андешаи ман Ҳизби наҳзати исломии Тоҷикистон дар ниҳояти кор қарори содир намудаи Вазорати адлияро комилан иҷро мекунад”.
Баротзода дар мавриди пайомади манфии бастани ҲНИТ барои ҷомеаи Тоҷикистон афзудааст, ки «баста шудан ҲНИТ бо фаъолияти мазҳаби Абуҳанифа дар қаламрави Ҷумҳурии Тоҷикистон вобастагие надорад. Фаъолияти ҳизбҳои тундгарои сиёсии динию ғайридинӣ дар қаламрави Ҷумҳурии Тоҷикистон баъд аз пошхӯрии Иттиҳоди Шӯравӣ пайдо шудааст. Таъсири манҳус ва баде, ки ба фаъолияти ҳизбҳои гуногун расонида шуда буд, аз вазъи ноороми Ҷумҳурии Исломии Афғонистон сарчашма гирифтааст. Солҳои 70-80-уми асри гузашта теъдоди бузурги лоиҳаҳои исломӣ бо дастгирии кишварҳои абарқудрати ҷаҳонӣ ба муқобили будубоши нерӯҳои шӯравӣ дар қаламрави Афғонистон роҳандозӣ гардид, ки он мазҳаби ҳанафии Покистон ва Афғонистонро ба мазҳаби тундгарои ҷанговар табдил дод ва таъсири он ба баъзе рӯҳониён ва гурӯҳҳои ҷомеаи мо низ расид. Бинобар ҳамин, метавон гуфт, ки баста шудани ҲНИТ ягон пайомади манфӣ нахоҳад дошт”.
Ин дар ҳолест, ки ҲНИТ ягона ҳизби расмии динӣ дар минтақаи Осиёи Марказӣ аст, ки қаблан ҳамчун кафили сулҳи тоҷикон аз ҷониби мақомоти давлатии Тоҷикистон ба қайд гирифта шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |