16 окт 2015 10:37Тоҷикистон / Акс

АКС: Марги мармузи тоҷики 5-моҳа баъди интиқолаш ба пулис

Умар Назаров, фарзанди 5-моҳаи шаҳрвандони Тоҷикистон, ки шаби 13 ба 14 октябр масъулини пулис аз дасти модараш гирифта ба шуъбаи рақами 1-и ноҳияи Адмиралтейск бурдаанд, ба таври мармуз фавтидааст.

Рустам Назаров, падари Умар мегӯяд, ҳамсараш Зарина мадори гап задан надорад: “Умар сиҳат буд. Ӯро ҳангоми рейд гирифта бурданд. Баъдан аз беморхонаи Симбалина хабар доданд, ки фарзандатон фавтидааст”.

Меҳринисо Назарова, модаркалони Умар мегӯяд, вақте набераашро ба пулис бурданд, ӯ аз ақибашон рафтааст: “Ман аз тиреза тақ-тақ карда, гуфтам ширашро ақалан гиред. Онҳо ширро гирифтанду монданд, ба Умар надоданд. Баъдан мошини ёрии тиббии таъҷилиро дидам. Ҳамшираи тиббие, ки Умарро гирифта буд, ба ман гуфт, ки набераатонро ба беморхона мебаранд, то беҳтар нигоҳубин кунанд”.

Субҳ ба оилаи Назаровҳо хабар додаанд, ки фарзандашон нисфи шаб фавтидааст. Ба наздикон на дар пулис ва на дар беморхона сабаби марги Умари 5-моҳаро шарҳ надодаанд. Танҳо як хабари кӯтоҳ дар сомонаи Кумитаи тафтишотӣ нашр шудааст, ки тибқи он “тафтишот барои муайян кардани ҷузъиёти қазия идома дорад, ки дар ҷараёни он ба амали кормандони пулис, беморхона ва волидон баҳои ҳуқуқӣ дода хоҳад шуд. Тибқи иттилои пешакӣ сабаби фавти кӯдак беморӣ мебошад”.

Аммо падари Умар мегӯяд, фарзандаш сиҳат буд, “гарчанде норасид таваллуд шуд, вазн мегирифт ва зиёд механдид”.

Дар ҳамин ҳол мақомоти муҳоҷирати Русия мегӯянд, модари Умар-Заррина Назарова қоидаи ҳузур дар ин кишварро вайрон кардааст ва бо қарори суд бояд давоми 15 рӯз қаламрави Русияро тарк кунад. Ӯ ба Русия 1,5 соли пеш барои табобати безурётӣ омадааст ва 20 май дар рӯзи мавлуди шавҳараш барои ӯ фарзанд таваллуд кардааст. Баъди таваллуд ҳам ба Ватан барнагаштааст, то фарзандашро аз падар ҷудо накунад. Аммо...

Консулгарии Тоҷикистон дар Санкт Петербург изҳор доштааст, ки тафтиши қазияро зери назорат ва хароҷоти интиқоли ҷасади Умари 5-моҳаро ба Ватан ба уҳда мегирад.

Мӯҳр

Хабарҳои монанд:

овора

ТОЧИКИ БЕСОХИБУ БЕЧОРА ВА ХОРУ ЗОР.

Ҷавоб диҳед Иқтибос Шикоят

Эгам

Сабру токатро ба ахлу оилаи Умарчон аз даргохи Худованд таманно дорам! Сафорат кучост, ки инро пайгири кунад? Боз намояндаи расми баромада худи точикро гунахгор накунад, ки якбора шарманда шавем!

Ҷавоб диҳед Иқтибос Шикоят

шахрванд

Ин казияро хатман бояд Сафорати Точикистон дар Руссия пайгири кунад,чаро кудаки сихату саломат якбора мемурдааст???

Ҷавоб диҳед Иқтибос Шикоят

Самира

Ман якинам ки Умар "запчас" шудааст ва аллакай калби тифлии у дар бадани дигаре метапад ва ё бо гурдаи кучаки у аллакай тифли русбачае дар харакат аст. Аз бесохибии мо истифода бурда, аз тифлакони мо "запчаст" месозанд.

Ҷавоб диҳед Иқтибос Шикоят

Эзоҳ илова кунед