27 окт 2015 17:34Тоҷикистон / Сиёсат

Нашри ВИДЕОИ ҳузури Умаралии 5-моҳа дар шӯъбаи пулис

Мақомоти пулиси Санкт Петербург навори ҳузури Умаралии 5-моҳаи тоҷикро дар шуъбаи пулис нашр кардаанд, ки дастгоҳҳои назоратии шӯъба сабт намудаанд.

Дар ин навори беш аз якдақиқаӣ Умаралӣ зоҳиран солим буда, дар оғӯши як корманди шӯъбаи пулис мебошад. Инчунин дар видео лаҳзаи интиқоли Умаралӣ ба беморхона тариқи мошини ёрии таъҷилӣ инъикос ёфтааст.

Қаблан Вазорати умури дохилии Русия изҳор дошт, ки дар пайи санҷиш муайян кардааст, ки дар марги Умар Назаров, кӯдаки 5-моҳаи тоҷик маъмурини пулис даст надоранд.

Тавре расонаҳои Русия аз қавли ин ниҳод иттилоъ доданд, таҳқиқи қазия ва омӯзиши наворҳои видеоӣ нишон додааст, ки маъмурини пулис коре накардаанд, ки метавонад боиси марги кӯдак шавад: “Рӯзи 13 октябр модар бо кӯдакаш ба ШКД-и ноҳияи Адмиралтейски Санкт Петербург оварда шуданд. Модарро кормандони Хадамоти федералии муҳоҷират (ФМС) бо худ бурданд ва кӯдак дар дасти корманди пулис оид ба кор бо ноболиғон монд. Кормандони пулис фавран ёрии таъҷилиро даъват намуданд, ки дар вақти бе нигоҳубини падару модар мондани кӯдакон, як амали муқаррарист. Баъди 13-14 дақиқа табибон ҳозир шуда, кӯдакро ба беморхонаи Тсимбалина бурданд ва дар ин бора ба модаркалони кӯдак иттилоъ дода шуд”.

Марги мармузи Умар Назарови 5-моҳа, ки баъди гирифтан аз дасти волидон шаби 13 ба 14 октябр дар беморхонаи Тсимбалина даргузаштааст, дар ҷомеаи Тоҷикистон вокуниши шадид ба вуҷуд овард. Мақомоти Русия мегӯянд, феълан аз рӯи ин ҳодиса парванда оғоз шуда, тафтишот идома дорад.

Мӯҳр

Хабарҳои монанд:

Точик

О ватанам о ватанам...........ман мазори мардуми овораи хешам.......

Ҷавоб диҳед Иқтибос Шикоят

Мирзо

Бародарон ин кудак запчаст шудаги аст. Дидед ягон осори бемори дар у нест. Ман якинам ки уро бурда запчаст карданд. Алъон калби у дар синаи шахси дигар метападу дигар кисмхои баданаш низ фурухта шудаанд.

Ҷавоб диҳед Иқтибос Шикоят

Маҳмудхон Бурҳонов

Ҳамин ки пулиси Русия кӯдаки ширхораро аз оғуши модараш кашида гирифтанд, худаш барои гунаҳкор буданашон кифоят мекунад. Дигар шарт нест, ки як кӯдаки ширхораро мисли падарону модарони муҳоҷири тоҷик зер лагат бигиранд, то гунаҳкор ҳисоб шаванд.

Ҷавоб диҳед Иқтибос Шикоят

Саиднаби

Марги нобахангоми ин кудаки бегунох ба сабаби осеби магзи сар метавонад рух дода бошад...(шояд нохост афтонидаанд кудакро), чун дар ин навор кудак комилан солиму ором менамояд...

Ҷавоб диҳед Иқтибос Шикоят

Манучехр

Кани як ба симои кудак нигаред. Оё дар чехраи у заррае аз бемори нишоне хаст? Комилан солиму бардам аст ва ин тану тус комилан барои кудаки панчмохза мувофик аст.

Ҷавоб диҳед Иқтибос Шикоят

Хакикат

Ин накшаи пешаки тахрезишуда мебошад бо пули калон заказ шудаги бад аз он кормадонии ФМС ба беморхона интикол додан кудак ба запчаст таксим карда шуда бо пули калон фурухта шуд Точик,

Ҷавоб диҳед Иқтибос Шикоят

Эзоҳ илова кунед