28 окт 2015 09:17Тоҷикистон / Акс

АКСУ ВИДЕО: Ҳамоиши эътирозии тоҷикон дар Амрико алайҳи марги Умар

Теъдоде аз шаҳрвандони Тоҷикистон сешанбеи 27 октябр бо нишони эътироз ба марги Умаралӣ Назаров, кӯдаки 5-моҳаи тоҷик, назди консулгарии Русия дар шаҳри Ню-Йорки Амрико таҷамӯъ карданд.

Ширкаткунандаҳои ин ҳамоиш ба “Озодагон” гуфтанд, ҳудуди 50 тан аз тоҷикони муқими Амрико дар ин гирдиҳамоӣ иштирок дошта, аз ҳукумати Русия тақозои расидагӣ ба қазияи кӯдаки панҷмоҳа ва ба муҷозот кашидани омилони марги ӯро кардаанд.

Дар наворҳое ҳам, ки аз ин ҳамоиш бардошта шудааст, дида мешавад, мӯътаризон шиорҳои “Адолат барои Умар”, “Мо Умар ҳастем” ва “Мо хостори муҷозоти омилони марги Умарем”-ро дар даст доранд.

Дастандаркорони ин ҳамоиш дар суханронии худ мегӯянд, гирифтани кӯдаки ширхор аз дасти модар ғайриқонунӣ буд. Ба гуфтаи онҳо: “Мо ба наздикони Умар изҳори таслият арз мекунем ва аз саҳлангории мақомоти ҳифзи ҳуқуқи Русия норозӣ ва нигарон ҳастем”.

Афзун бар ин ширкатдорони ҳамоиш мехоҳанд, Владимир Путин, раиси ҷумҳури Русия шахсан ба қазияи марги Умар расидагӣ кунад.

Иштирокдорони ҳамоиш мегӯянд, аз консулгарии Русия касе ба назди эътирозгарон набаромад.

ВИДЕО инҷост

Мӯҳр

Хабарҳои монанд:

Илхом Расулов

Кадом дахолати Путин??? Мо Путинро номбар накардем! Ин кори ягон сардори давлат нест. Мо танхо хостем ки шунида шавем, ва ба таври шаффову объективи гунахкорро ёфта, чазо диханд.
Кадом Путин, Алёёё???

Ҷавоб диҳед Иқтибос Шикоят

Русия

Барои чи мардум дар Точикистон ба назди консулгари, посоли РФ намераванд? Хеч гап не охир - оромона рафта плакат гирифта - ба мисли хамин точикони Амрико - баромад кунанд!

Ҷавоб диҳед Иқтибос Шикоят

Эзоҳ илова кунед