03 ноя 2015 12:09Тоҷикистон / Сиёсат

Баҳси ихтилоф бо Тошканд, “лимит”-и барқ, озодии динӣ ва тасмими Обама дар мулоқоти Керрӣ бо Э.Раҳмон (АКС)

Ҷон Керрӣ, вазири умури хориҷии Амрико, ки имрӯз, 3 ноябр вориди Душанбе шуд, дар Кохи Миллат бо Эмомалӣ Раҳмон, раисиҷумҳури Тоҷикистон мулоқот дошт.

Тибқи иттилои дафтари матбуоти раисиҷумҳури Тоҷикистон дар ин мулоқот инчунин вазирони умури хориҷию энергетикаи Тоҷикистон ва раисони кумитаҳои оид ва корҳои дин ва амнияти милллӣ иштирок доштанд.

Дар пайи мулоқот Ҷон Керрӣ ба хабарнигорон хушҳолияшро аз мулоқот бо Э.Раҳмон баён дошта, барои меҳмондорӣ изҳори ташаккур кард: “Мо вазъи хосаи Тоҷикистонро дар Осиёи Маркзаӣ эътироф мекунем, чунки Тоҷикистон бо Афғонистон марзи дарозтарин дорад, ки боиси сар задани як қатор мушкилоти воқеан мушкил мегардад. Ман аз номи ҳукумати Амрико изҳор доштам, ки ҳамкориро барои ҳифзи сарҳадот тақвият медиҳем”.

Ҷон Керрӣ илова намуд, ки дар мулоқот бо Эмомалӣ Раҳмон инчунин тасмими Барак Обама дар мавриди нигоҳдории низомиёни Амрико дар Афғонистон барои таъмини муътадилиро мавриди баррасӣ қарор додаанд: “Дар идома мо мушкилоти иқтисодиро дар Тоҷикистон баррасӣ кардем, ки ба заъфи иқтисодиёт дар Русия ва Чин марбут мебошад. Мо дастрасии Тоҷикистонро ба дигар минтақаҳо ва ҳамгироӣ миёни кишварҳои Осиёи Марказиро мавриди муҳокима қарор додем”.

Ба гуфтаи вазири умури хориҷӣ камбуди шадиди барқ дар Тоҷикистон аз мавзӯҳои дигари мулоқоташ бо Э.Раҳмон буд: “Аз ҷумла дар ин робита мушкилоти Тоҷикистон бо Узбакистон ва ҳалли ин мушкилро аз ҳисоби сарчашмаҳои гуногуни энергия баррасӣ кардем, то Тоҷикистон давоми 5 соли оянда ҳам талаботи дохилӣ ва ҳам Афғонистонро бо нерӯи барқ таъмин кунад”.

Ӯ илова намуд, ки ҳамкорӣ дар самти мубориза бо терроризму экстремизмро низ баррасӣ карда, зарур хондаанд, ки мувозинат байни мубориза бо экстремизм ва риояи ҳуқуқи инсону озодии динӣ нигоҳ дошта шавад, то шаҳрвандон тавонанд фаъолона дар ҳаёти сиёсию иҷтимоии кишвар иштирок кунанд.

Дар ниҳоят Э. Раҳмон аз Керрӣ даъват намудааст, ки дар вақти барояш мусоид бо сафари муҳлаташ бештар ба Тоҷикистон ояд ва Керрӣ изҳори умед кард, ки имкон пайдо мекунад, то ин даъвати раисиҷумҳури Тоҷикистонро амалӣ созад.

Мӯҳр

Хабарҳои монанд:

Ҳоҷи

Бобои Керрӣ! Маълум ки ту ҳам мисли Русия барои Рогун пул доданӣ нести.Рав аз паи корат шав, худамон месозем.Ин Узбакистон чи дошта бошад. ки ҳама аз вай метарсанд?

Ҷавоб диҳед Иқтибос Шикоят

Хатлони

Дар сохтмони НОБи Рогун на Каримова ва на Керира мепурсем.
Месозем худамон бо Эмомалии Рахмон!

Ҷавоб диҳед Иқтибос Шикоят

Хушбахт

Ҳоҷи, ин узбакистон керри дорад, барои хамин

Ҷавоб диҳед Иқтибос Шикоят

Хуча

Худи бобои Керри ҳоҷи шудагианд ку. Барои ҳамин уро ҳоҷи Керри гуфтан даркор

Ҷавоб диҳед Иқтибос Шикоят

FFFFFF

ЧАНОБИ КЕРИ МО БА ГАМХОРИИ ТУ ЭХТИЕЧ НАДОРЕМ ХОХИШ МЕКУНЕМ ДАР УМУРИ ДАВЛАТДОРИИ МО ДАХОЛАТ НАКУН ЧУНКИ ДАР КАДОМ ДАВЛАТЕ ДАХОЛАТ КРДЕН ОНЧО ВАЙРОН ШУД ШУМО БА БАХОНАИ ОЗОДИИ ДИНИ МУЗДУРОНИ ХУДАТОНРО ДАР НАЗАР ДОРЕД ИМРУЗ АЗ ТАРАФИ МАКОМОТХОИ ДАХЛДОР МУЗДУРОНАТОН ДСТГИР ШУДААНД САДОИ ШУМО БАЛАНД ШУД БА КАВЛИ РАИСИ ЧУМХУР ХОЧАГОНИ ХОРИЧИАШОН ПАЙДО ШУДАНД.ДАР ЯГОН ДАВРУ ЗАМОН ШУМО БА МАНФИАТИ ЯГОН ДАВЛАТ ХАРФ НАЗАДЕН ТАНХО ДУМБОЛИ МАНФИАТИ ХУД МЕГАРДЕД
АФГОНИСТОН ИРОК ПОКИСТОНРО БО БАХОНАИ ТАЪМИНИ АМНИЯ ВОРИД ШУДЕД РУЗЕ НЕСТ КИ ДАР ИН ДАВЛАТХО МУЗДУРОНАТОН ОДАМ НАКУШАНД
ОЗОДАГОН МАН АЗ ШУМО ЭХТИРОМОНА ХОХИШ МЕНАМОЯМ ИНРО ЧОП КУНЕД МАГАР НАМЕХОХЕД МАРДУМ ХАКИКАТРО ФАХМАНД

Ҷавоб диҳед Иқтибос Шикоят

Ватан

Барои Амрико манфиат дар чойи аввал меистад. Демократи гуияшон як бози, як гулзани аст. Барои онхо фарке надорад дар Точикистон муллохои мутаассиб сари хокимият бошанд, ё давлвти хукукбунёди дуняви. Барои инхо фарке надорад дар мамлакати мо адолати суди бошад, ё мисли дигар мамлакатхо сангсоркунию дастбурию ба дор овези. Инхо шиори демократия ва хукуки башарро барои пиёдасозии манфиатхои сиёсии худ дастак мекунанд.
Дар Точикистон озодии дини сад фоз таъмин аст. Мардуми точик худашон бояд дар бораи ояндаи мамлакаташон тасмим бигиранд.

Ҷавоб диҳед Иқтибос Шикоят

Эзоҳ илова кунед