Пешниҳоди тағйири қонун баъди марги Умаралӣ дар Русия
Вадим Тюлпанов, узви Шӯрои федералӣ, палатаи болоии парлумони Русия дар пайи марги Умаралӣ Назаров, шаҳрванди 5-моҳаи Тоҷикистон хостори тағйирот дар қонунгузории Русия шудааст.
Тибқи тағйироте, ки Тюлпанов ба Кодекси ҳуқуқвайронкунии маъмурии Русия пешниҳод кардааст, пулис ҳақ надорад, ки занони ҳомила ва модароне, ки тифли то 14 соларо доранд, боздошти маъмурӣ кунанд. Ин сиёсатмадор шарҳ додааст, ки дар Кодекси ҳуқуқвайронкунии маъмурӣ ду намуд - ҳабси маъмурӣ то 30 шабонарӯз ва боздошти маъмурӣ то 3 соат пешбинӣ шудааст: “Дар қонун омадааст, ки занони ҳомила, маъюбони гуруҳи 1-2 ва модароне, ки дорои кӯдаки то 14 сола ҳастанд, набояд ба ҳабс гирифта шаванд. Ман мехоҳам ин меъёр барои боздошти маъмурӣ низ ҷорӣ карда шавад”.
Тюлпанов дар суҳбат бо расонаҳои Русия таъкид намудааст, ки лоиҳаи ин тағйироту иловаҳоро то ҳафтаи оянда ба Думаи давлатии Русия пешниҳод хоҳад кард.
Шуҳрат Латифов, таҳлилгари тоҷик мегӯяд, ҳастанд сиёсатмадороне, ки аз ҳар воқеа, манфӣ ё мусбат истифода мебаранд ва ҳоҷат ба қабули санади иловагӣ на ба қонуни ҷиноӣ ё маъмурӣ нест. Ба гуфтаи ӯ Русия Конвенсия оиди ҳуқуқи кӯдакро эътироф карда, ба имзо расонидааст ва Кодекси оилаи Русия низ худ ин ҳолатро ба танзим медарорад: “Ҳангоми боздошти модар ва кӯдак аз меъёрҳои дохилии Хадамоти федералии муҳоҷират-ФМС ва Вазорати корҳои дохилӣ истифода бурдан, ин аз рӯи қонун нест. Кӯдак набояд мувофиқи қонун, конвенсия ва меъёрҳои дохилӣ аз модар ҷудо карда шавад”.
Марям Давлатова, директори созмони ҷамъиятии «Маркази сиёсати гендерӣ» бар ин аст, ки лоиҳаи тағийру иловаҳо ба Кодекси ҳуқуқвайронкунии маъмурии Русия танҳо дар мавриди ҳуқуқвайронкуниҳои хурд ва маъмурӣ метавонад ҷой дошта бошад: “Ҳангоми ҷиноятҳои вазнин ҷазо то ба синни болотар расидани кӯдакон бояд мавқуф гузошта шавад”.
Ин пешниҳодҳо дар ҳолеянд, ки шаби 13 ба 14 октябри соли ҷорӣ Умаралӣ Назарови 5-моҳаро кормандони пулис аз дасти модараш гирифта, ба беморхонаи Симбалинаи шаҳри Санкт-Петербург бурдаанд, ки дар натиҷа ин тифли тоҷик он ҷо фавтид.
Дар мавриди таҳқиқи қазия Консулгарии ифтихории Тоҷикистон дар Санкт-Петербург ахиран эълон кард, ки ба Кумитаи федералии тафтишоти Санкт-Петербург ва додситонӣ ёддошти эътирозӣ равон хоҳад кард, чун ба гуфтаи намояндагии Тоҷикистон дар ШКД-и ноҳияи Адмиралтийск ва хадамоти муҳоҷирати ин ноҳия кӯшишҳо барои айбдор кардани волидон дар марги кӯдак дида мешаванду ҳуқуқи вакилони дифоъро дар ин қазия нодида мегиранд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |