17 ноя 2015 18:23Тоҷикистон / Сиёсат
Изҳороти ошкорои “Telia Sonera” ва шарҳи Бег Сабур дар мавриди сайтбандӣ
“Telia Sonera” 16 ноябр бо пахши як иттилоия дар сомонаи расмияш изҳор доштааст, сиёсати ин ширкат дар кишварҳое, ки фаъолият мекунад, дахолат ва шарҳу изҳороти сиёсиро пешбинӣ накардааст: “Аммо дар доираи яке аз 10 принсипи фаъолияти “Telia Sonera”, ки таъмини озодии баёну мухобирот мебошад, ширкат мунтазам дар мавриди амалҳое, ки метавонанд барои озодии баён пайомадҳои манфӣ дошта бошанд, гузориш медиҳад”.
Дар гузориши “Telia Sonera” омадааст, ки дархосту дастурҳои ҳукумати Тоҷикистон барои бастани сомонаҳо аксаран ҳадафҳои қонунӣ доранд, аммо дар бархе ҳолатҳо мушкилзо мешаванд, чун мухолифи ҳуқуқҳои дигари инсонӣ мебошанд.
“Telia Sonera” мегӯяд, ширкати тобеяш «Tcell» ҳанӯз моҳи октябри соли гузашта феҳрасти бузурги сомонаҳои интернетиро барои масдудсозӣ дастрас кард: “Бо гузашти вақт ба ин феҳраст сомонаҳои нав ворид мешуданду бархеи дигар дубора дастрас мегардиданд”.
Ба навиштаи ин ширкат теъдоди сомонаҳои баста дар Тоҷикистон тобистони соли равон беш аз 90 ададро ташкил дод ва ахиран-2 ноябри соли равон «Tcell» аз мақомоти тоҷик дастури нав дар бораи масдудсозии сомонаҳо, аз ҷумла vk.com, facebook.com, ok.ru ва odnoklassniki.ru гирифтааст. Тибқи гузориши “Telia Sonera” мақомоти Тоҷикистон дар мавриди муҳлати масдудсозии сомонаҳо иттилое ироа намекунанд.
TeliaSonera афзудааст, ки ба сиёсат дахл намекунад, аммо бо мақомоти кишварҳое, ки ба тиҷорату мизоҷонашон таъсир доранд дар муколомаанд. Ин ширкат ошкоро таъкид кардааст дархосту дастурҳоеро, ки ба назорати озодии баёну мухобирот рабт доранд, то ҳадде иҷро хоҳад кард, ки дар доираи қонун бошанд.
Ин дар ҳолест, ки Бег Сабур, раиси Хадамоти алоқаи Тоҷикистон ахиран дар посухи катбӣ дар мавриди сабаби масдудияти сомонаҳои “Озодагон” изҳор дошт, ки “сомонаҳои интернетӣ танҳо ҳангоми нашри маводи паҳнкунияшон мувофиқи талаботи ҳалномаҳои Суди Олии Тоҷикистон манъшуда, баста мешаванд”.
Тибқи иттилои масъулини ин ниҳод феҳрасти сомонаҳое, ки маводи “мамнуъ” нашр мекунанд, мақомоти ҳифзи ҳуқуқ пешниҳод мекунанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
