20 ноя 2015 15:08Тоҷикистон / Иҷтимоӣ / Тема дня

Боздошти “раҳбари идеологӣ”-и “Бандаи ГТА” дар Тоҷикистон

Мақомоти Тоҷикистон Боҳир Ғуломовро, ки “раҳбари идеологӣ”-и “Бандаи ГТА” арзёбӣ мешавад, боздошт намудаанд.

Дар ин бора расонаҳои русӣ иттилоъ дода, афзуданд, ки феълан масъалаи истирдоди Ғуломов, ба Русия мавриди баррасӣ қарор дорад. Ғуломов аз пайравони “Ҳизб-ут-Таҳрир” ва таҳсилдидаи кишварҳои исломӣ муаррифӣ мешавад, ки қаблан гуфта мешуд, аз Тоҷикистон ба Афғонистон ва аз он ҷо ба Покистон фирор кардааст.

Мақомоти Русия аъзои гуруҳи “ГТА”, ки моҳи ноябри соли 2014 боздошт шудаанд, дар куштори дастикам 17 нафар дар шоҳроҳҳои Маскаву назди он муттаҳам мекунанд. Мақомоти Русия эълон карданд, ки аксари аъзои ин гуруҳ зодагони Тоҷикистону Узбакистон ва Қирғизистон буда, роҳбари асосии он Рустам Усмонов дар амалиёти боздошт, кушта шуд.

Аз шаҳрвандони Тоҷикистон феълан Абдумуқим Мамадҷонов ва Зафарҷон Ғуломов, аз наздикони Боҳир Ғуломов бо иттиҳоми узвият дар гуруҳи “ГТА” дар боздошт мебошанд.

Додгоҳи ноҳияи Коптевски Маскав моҳи марти соли равон Илҳом Исҳоқов, шаҳрванди солхӯрдаи Тоҷикистонро барои додани манзил ба аъзои гуруҳи ҷиноии маъруф ба “Бандаи ГТА” ба як солу як моҳ равонаи зиндон карда буд.

Ба иттилои мақомоти Русия, Исҳоқов бо ҳамсараш хонаеро дар шоҳроҳи Дмитровск ба иҷора гирифта, ҳамчун хобгоҳ муҷаҳҳаз намудаанд ва аз моҳи август то 6 ноябри соли 2014 ба 10 муҳоҷир аз Осиёи Миёна ба иҷора додаанд: “Аз ҷумла Абдумуқим Мамадҷонов ва як узви дигари Гуруҳи ГТА дар миёни иҷоранишинон будаанд. Мақомоти Русия мегӯянд, Исҳоқов ва иҷоранишинони дигараш дар ҷиноятҳои “Гуруҳи ГТА” даст надоранд. Аммо Исҳоқов аз қабл дар мавриди ҳузури ғайриқонунии иҷоранишинонаш дар Русия хабар доштааст ва бинобар ин бо иттиҳоми ташкили муҳоҷирати ғайриқонунӣ ба як солу як моҳи зиндон маҳкум шудааст”.

Ин дар ҳолест, ки Исҳоқов дар додгоҳ “гуноҳ” -ашро эътироф карда, аз додрас хостаст, ӯро ба ҳабс маҳкум накунад. Қаблан Муҳаббат Паҳлавонова, ҳамсари Исҳоқов ба хабаргузориҳои русӣ гуфта буд, ин манзилро соли 2013 ба иҷора гирифта ва чанд вақт пеш онро тарк карда буданд: “Ҳамсояи мо дархост кард, дӯстонашро дар ин хонаи иҷора ҷой диҳем ва мо ҳам розӣ шудем”.

Феълан таҳқиқи парвандаҳои ҷиноӣ алайҳи аъзои гуруҳи “ГТА” идома доранд.

Мӯҳр

Хабарҳои монанд:

Урус духтари тоҷика таҳқиру танзиқ карад кушт, "девона" бароварда Россия равон кардан. Кӯдаки 5 моҳая куштан, падару модараша гунаҷгор кардан. Боварӣ дорам, ки ҳеҷ кадомашона ҷазо намедиҳанд ва боз тоҷиккушӣ карда мегарданд. Оё, намеша, ки ҳамин одама дар Тоҷикистон суд кунанд! Медонам, ки прокуророи мо аҳволаша бадтар аз русҳо мекунанд, лекин ақаллан барои обрӯи миллат ё давлат шуда, бояд тоҷика барои ҷазо ба русия намедодан!!!

Ҷавоб диҳед Иқтибос Шикоят

786

99,
Комилан гуфтахоятонро кабул дорам. Агар Боҳир Ғуломов шахрванди ЧТ бошад ва дар каламрави ЧТ боздошт шуда бошад (бо вучуди чинояткор будан ва содир кардани чиноят, чаро бояд ба Руссия истирдод шавад?! Бигзор чазояшро дар дохили кишвар бубинад.
Хукукдон нестам ва донишам барои мантики ин кор хам намекашад, вале то он чое, ки медонистам хукуматхо хатто шахрвандони чинояткорашонро, ки берун аз марзи кишвар чиноят содир кардаанд, ба дохили каламрави худ мебиёранду мухлати хабсашонро дар махкумгоххои дохили кишвар мегузарондандку

Ҷавоб диҳед Иқтибос Шикоят

Мустафо

Точикистон бояд ната Ин Точикро Бароики .Тифли 5мохро Куштан .Духтари Точикро дар Ватанаш Куштан.

Ҷавоб диҳед Иқтибос Шикоят

Эзоҳ илова кунед