Анҷоми муҳлати будубоши падари Умаралӣ дар Русия
Муҳлати буду боши Рустам Назаров, падари Умаралӣ Назаров, тифли 5-моҳаи тоҷик, ки ба таври мармуз дар Русия фавтид, ба охир расидааст.
Консули Тоҷикистон барои тамдиди асноди Назаров ба Хадамоти федеролии муҳоҷирати шаҳри Санкт-Петербург муроҷиат кардааст. “Ҳангоми ба Ватан баргаштан барои тамдиди аснод барои нақзи сиёсати муҳоҷират автоматӣ аз ҳаққи вуруд ба Русия барои панҷ сол маҳрум мешавад. Чун Рустам дар қизияи писараш Умаралӣ ҳамчун ҷабрдида эътироф шудааст, хеле муҳим аст, ки дар ҷараёни парвандаҳо иштирок кунад”,-навиштааст Life78 бо такя ба манобеаш дар консулгарии Тоҷикистон.
Вакилони дифои волидони Умаралӣ Назаров гуфтаанд, муфаттишон маводи ташхисро барои шиносоӣ ба онҳо пешниҳод накардаанд. Гуфта мешавад, сабабҳои марги ин кӯдаки панҷмоҳаи тоҷик фардо, 18 декабр расман эълон мешавад. Ин дар ҳолест, ки расонаҳои Русия натиҷаи ташхиси марги Умаралиро нашр карданд. Дар он гуфта мешавад, фавти Умаралӣ ногузир буд. Сабаби марги ӯро парагрипп ва ситомегалавирус гуфтаанд. Расонаҳо навиштаанд, ташхиси нав муайян кардааст, ки гӯиё Умаралӣ чанд рӯз қабл аз интиқолаш ба пулис ба бемории парагрипп мубтало шудааст, аммо волидонаш ӯро муолиҷа накардаанд: “Дар баробари ин Умаралӣ ҳанӯз дар батни модараш бо ситомегаловирус сироят ёфтааст ва бемориҳо яке болои дигар зам шуда, бо марг анҷомидаанд”.
4 декабр Муқаддас Абдураҳмонова, вакили мудофеи Зарина Юнусова, модари Умаралӣ аз қавли пизишкони додгоҳии Тоҷикистон гуфта буд, дар хуни Зарина ангезаи ситомегаловирус дида нашудааст.
Қаблан, вакилони хонаводаи Умаралӣ гуфта буданд, дар сурати такрор шудани гапҳои куҳна дар ташхиси нав барои анҷом додани ташхис дар муассисаи дигари тиббӣ муроҷиат мекунанд.
Умаралӣ Назаров 13 октябри соли равон дар пайи боздошти модараш Зарина Юнусова аз сӯи пулиси ноҳияи Адмирали шаҳри Петербург дар беморхонаи Сембалина ба таври мармуз ҷон дод. Баъдан, Зарина бо иттиҳоми нақзи қавоиди буду бош аз Русия депорт шуд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |