Ятимзода дар бораи созиши 519,9км марз бо Қирғизистон: Ҳанӯз як-ду нуқтаи баҳснок дорем
Акбар Ятимзода, раиси Кумитаи идораи замин ва геодезии Тоҷикистон созиш дар бораи 519,9 километр марз бо Қирғизистонро қисман тасдиқ карда, таъкид намуд, ки дар ин масофа ҳанӯз як-ду нуқтаи баҳсбарангез ҷой доранд.
Дар ҳоле, ки охири ҳафтаи гузашта ҳукумати Қирғизистон лоиҳаи қарордод дар мавриди муайянсозии 519,9 километр марз бо Тоҷикистонро тасдиқ кард, Ятимзода мегӯяд,ҷониби Тоҷикистон ҳеч қарордодеро дар ин робита ҳанӯз қабул накардааст: “Дар ин масофа мо як - ду нуқтаи баҳснок дорем ва барои баррасӣ намудани он албатта мо омода ҳастем. Вақте аз ду ҷониб барои баррасии ин масофа ба таври мушаххас ҳуҷҷатҳои зарурӣ тасдиқ карда мешаванд, баъдан мо дар сатҳи комиссияи байнидавлатӣ минтақаи муайяншударо барои баррасӣ пешниҳод мекунем. Ҳозир ягон қарордодро дар ин бора қабул накардаем”.
Ятимзода масоили марзиро хеле мушкил арзёбӣ карда, афзуд, ки феълан комиссияи ду кишвар барои муайян ва аломатгузории марз бо Қирғизистон кор карда истодаанд.
Ин дар ҳолест, ки охири ҳафтаи гузашта Аалӣ Карашев, муовини аввали нахуствазири Қирғизистон лоиҳаи қарордод дар бораи 519,9 километр марзи Қирғизистон ва Тоҷикистонро ба ҳукумати ин кишвар пешниҳод карда буд. Ба гуфтаи Карашев, ҳоло 396 километр ё 40 фоизи марз бо Тоҷикистон номуайян мондааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |