Ғуломзани язидии ҷангҷӯи тоҷик: Баъди қатли ӯ боз даст ба даст шудам...
Ажин, як духтари 22 солаи язидӣ, ки тайи 11 моҳ дар асорати ҷангиёни “Давлати исломӣ” қарор доштааст, изҳор медорад, ки тайи ду моҳ ҳамсари маҷбурии як ҷангҷӯи тоҷик буд.
Ин сокини шаҳри Синҷари Ироқ дар суҳбат бо рӯзномаҳои Ғарб изҳор доштааст, ки ҷангиёни “Давлати исломӣ” моҳи августи соли 2014 мардони язидиро кушта, ӯро ҳамроҳ бо даҳҳо ҷавондухтарон асир гирифтаанд: “Нахуст ману хоҳарам барои 15 рӯз дар як зиндони шаҳри Риққа маҳбус будем. Баъдан як мард аз Арабистони Саудӣ хонае бурд, ки ду марди дигар онҷо зиндагӣ мекарданд. Моро латтукӯб менамуданд”.
Ин зан афзудааст, баъди чанд муддат марди саудӣ ӯро ба як ҷангҷӯи тоҷикистонии “Давлати исломӣ” фурӯхтааст: “Ин бор барои 2 моҳ дар ихтиёри як тоҷикистонӣ будам. Ӯ баъдан дар пайи ҷангҳо ҳалок шуд ва ман чанд маротибаи дигар фурӯхтаю туҳфа шуда будам”.
Ин дар ҳолест, ки тибқи иттилои мақомоти тоҷик наздики 700 шаҳрванди Тоҷикистон дар сафи ҷангиёни “Давлати исломӣ” қарор доранд, ки бархе зану фарзандашонро низ бо худ бурдаанд. Ба иттилои манбаъ занони ҷангиёни “Давлати исломӣ” баъди марги шавҳарашон моли ҷангиёни дигар мешаванд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |