29 янв 2016 10:09Тоҷикистон / Иқтисодӣ / Рӯ ба рӯ

Муҷозоти 1117 масъул барои ҳисоботи дурӯғ дар соли 2015

Гулнора Ҳасанова, раиси Оҷонсии омори Тоҷикистон мегӯяд, барои камбудӣ дар пешниҳоди ҳисобот дар соли 2015 1 ҳазору 117 масъули давлатию дигар сохторҳо ба ҷавобгарӣ кашида шуданд.

Ҳасанова имрӯз, 29 январ зимни нишасти матбуотӣ дар Душанбе гуфт, масъулини давлатӣ ва дигар сохторҳо аз ҷумла барои изофанависӣ, хатоӣ дар ҳисобот ё умуман пешниҳод накардани ҳисобот бар асоси Кодекси маъмурӣ ҷаримабандӣ шуданд. Раиси Кумитаи омор ҳаҷми ҷаримабандиро беш аз 316 ҳазор сомонӣ арзёбӣ намуд.

Ӯ афзуд, ки соли гузашта инчунин 7 масъули омор-4 нафар дар Хатлон ва 3 нафар дар Суғд барои номутобиқатии ҳисобот ва камбудӣ дар фаъолият аз мақомашон барканор гардиданд.

Соли гузашта ба Кодекси ҳуқуқвайронкунии маъмурии кишвар тағйирот ворид гардид, ки тибқи он шахсони мансабдор ва афроди ҳуқуқӣ дар сурати нодуруст ва ё нопурра пешниҳод намудани омор ба ҷавобгарӣ кашида мешаванд. Ҳадаф аз ин навгонӣ роҳандозии омори дурусти давлатӣ дар кишвар арзёбӣ шуд.

Ин дар ҳолест, ки Эмомалӣ Раҳмон, раисиҷумҳури Тоҷикистон дар мулоқот бо соҳибкорони тоҷик гуфт, ҳам намояндагони бахши хусусӣ ва бахши давлатӣ ба пешниҳоди ҳисоботи бардурӯғи оморӣ даст мезананд: “Айни замон ҳисоботи оморӣ дар аксари ҳолатҳо ба воқеият рост намеояд. Маълумоти оморӣ оид ба истеҳсоли маҳсулот ё хизматрасонӣ бо дарназардошти манфиатҳои шахсӣ ё идоравӣ, аз ҷумла бо мақсади аз андозбандӣ пинҳон кардани истеҳсоли маҳсулот, барзиёд нишон додани иҷрои нақшаи истеҳсол ва дигар сабабҳо кам ё зиёд нишон дода мешавад, ки ин боиси мураккаб гардидани банақшагирии истеҳсоли маҳсулот, воридот ва содироти он мегардад”.

Мӯҳр

Хабарҳои монанд:

Мехмон

Омор ва хисоботи омории чумхурии Точикистон 90% дуруг. Ба мисоли хочагихои дехконии нохияхои кухистони , ба ном хастанду амалан не. Онхоро факат барои хисоботи омор,супоридани андози ночиз ва обуна ба газетахо нигох медоранд. Амалан ягон шахрвандро ба кор таъмин карда маош дода наметавонанд.

Ҷавоб диҳед Иқтибос Шикоят

Омори Точикистон ин спетакл аст. Шарм надошта ба Президент омори хато пешнихо мекунанд. сад хайфи точик бдантон.

Ҷавоб диҳед Иқтибос Шикоят

Беомор

Гульнораи чуун, ягон майда гам нахурен! Бхур бчар бгард.

Ҷавоб диҳед Иқтибос Шикоят

Эзоҳ илова кунед