03 фев 2016 16:57Тоҷикистон / Иҷтимоӣ

Афзоиши ҷиноятҳои террористӣ, қаллобӣ, худсарона ишғол намудани замин дар Суғд

Додситони вилояти Суғд мегӯяд, дар соли 2015 ҷиноятҳои хусусияти террористию экстремистидошта, дуздӣ, қаллобӣ, сохтакорӣ, расонидани зарари миёна ба саломатӣ, вайрон кардани қоидаҳои ҳаракат дар роҳ, ғайриқонунӣ нигоҳ доштани аслиҳа ва ва худсарона ишғол намудани замин зиёд ба қайд расидааст.

Ҳабибулло Воҳидов, додситони вилояти Суғд зимни як нишасти хабарӣ дар шаҳри Хуҷанд гуфт, давоми соли сипаришуда 344 ҳолати ҷиноятҳои дорои хусусияти террористию экстремистидошта сабт гардидааст, ки ин рақам дар ҳамин давраи соли 2014 ҳамагӣ ба 179 мерасид. Ҷаноби Воҳидов гуфт, вобаста ба ин ҷиноятҳо алайҳи 408 нафар 210 парвандаи ҷиноӣ оғоз гардидааст: “Дар соли 2014 алайҳи 123 нафар ҳамагӣ 43 парвандаи ҷиноӣ боз шуда буду халос”.

Додситони вилояти Суғд дар идома афзуд, соли сипаришуда дар ҳудуди вилоят дар маҷмӯъ 5 ҳазору 982 ҷиноят ба қайд гирифта шудааст, ки дар қиёс ба соли 2014 801 адад ё 15,4 дарсад зиёд мебошад. Ӯ афзуд, дар як соли ахир 920 ҷинояти дуздӣ, 896 қаллобӣ, 140 сохтакорӣ, 107 расонидани зарари миёна ба саломатӣ, 379 вайрон кардани қоидаҳои ҳаракат дар роҳ, 16 ҳолати ғайриқонунӣ нигоҳ доштани яроқ ва 228 ҳолати худсарона ишғол намудани замин сабт шудааст.

Мӯҳр

Хабарҳои монанд:

шер

яке аз коидахои худсарона аз худ кардани замин дар д.рукнободи ш.панчакент аз чониби заминсоз чамоат мебошад.ачоибии кор ин аст ки замигсоз Абунасров Т. гуë маркази ангишттаъминкунии чамоатро месохта бошад.дар асл гирем дар панч е шаш квадрат чой дах дувоздах копча ангишт мебараду монд то ки рузе хангоми тафтишот онхоро ба раисон нишон дихад.е пас аз як бурда нону ду тухми нимпаз онхо хам мераванд.
Ангиш дар Айниву маркази ангишттаъминкуни дар рукнободи панчакент...хаахахаааа....чоп кунед озодагон.

Ҷавоб диҳед Иқтибос Шикоят

косим

салом
Чи омори ваҳшатноке аст оё пулис бо бизнесе ки дар зиндоҳо хотима медиҳад. ё дубора дузду нашъаҷалобро гирифта аз ӯ пулу пора мегиранду боз ба озоди ва миёни ҷомеъа раҳо месозад.
чаро пулсҳо бо ин маоши кам бозам пулис мешавад? манбаи даромадашон аз куҷост? Оё ғайр аз ҷеби ҷинояткорон ва хонаводаи гумонбаршудаҳо аст?
сабаби асосии зиёд шудани дузди ва ҷиноят ғайр аз бекорию бепули, батавҷуҳии масулон ну мансабдорони марбута аст. ки бояд ба ҷавонон ва шаҳрвандон таваҷҷуҳ кунад? роҳҳои чора чист? Оё роҳҳоро медонанду амал намекунанд мақомот, ё воқеан намедонанду сардаргуманд, ё кадраҳои бесавод ва бо тағо ба мансабҳо мерасад ки натиҷааш ҷуз бесуботтар шудану зиёдтар шудани ҷиноят нест? ва .....
100000 .... сулои дигар.

Ҷавоб диҳед Иқтибос Шикоят

Эзоҳ илова кунед