08 фев 2016 10:54Тоҷикистон / Сиёсат

Додситонӣ мансабдоронро дар фурӯши амвол ба Кабирию Назарзода айбдор хонд

Додситонии кулли Тоҷикистон мегӯяд, Муҳиддин Кабирӣ, раиси Ҳизби мамнӯи наҳзати исломӣ ва Абдуҳалим Назарзода, собиқ ноиби вазири мудофиаи кишвар дар маҷмӯъ ба маблағи 151 миллион сомонӣ мулу мулкро ғайриқонунӣ аз худ кардаанд.

Сафаралӣ Мирзозода, сарпрокурори ҳарбии Тоҷикистон имрӯз, 8 феврал зимни нишасти хабарӣ дар Душанбе изҳор дошт, алайҳи амволи Кабирию Назарзода аризаҳои даъвогиро дарёфт кардаанд: “Аризаҳои даъвогӣ барои рӯёндани молу мулк ба маблағи 7 миллион сомонӣ ворид гардидаанд”.

Сарпрокурори ҳарбӣ дар фурӯши ғайриқонунии амволи давлатӣ ба Назарзодаю Кабирӣ мансабдоронро низ гунаҳкор хонда, афзуд, дар бархе ҳолатҳо вақти хусусигардонӣ дар мақомот ҳам қонуншиканӣ сурат гирифтааст: "Вобаста ба он ки аз пеш чаро зери назорат нагирифтанд ва чаро баъд ошкор карда шуд? Дар ҳақиқат ҳаст ҳолатҳое, ки ғайриқонунӣ амавол аз тарафи мақомот ба моликияти шахсӣ гузаронида шудаанд ва аъзои дастаи террористӣ аз ин сӯиистифода карданд. Тафтишоти пешакӣ қарорҳои ғайриқонуниро ошкор кард ва онҳо бекор карда шуданд”.

Қодири Қосим, раиси Кумитаи сармоягузорӣ ва идораи амволи давлатии Тоҷикистон, ки масъули идора ва хусусигардонии амволи давлатӣ дар кишвар мебошад, 3 феврал зимни нишасти матбуотӣ дар Душанбе изҳор дошт, ки дар мавриди амволи ғайриқонунӣ хусусикардаи Назарзода ва Кабирӣ феълан тафтишот идома дорад ва "мо ахбори иловагӣ надорем".

Қодири Қосим афзуд, ки баъди ба моликияти давлат ворид намудани амволи ғайриқонунии ин афрод, масъулини Кумита барои истифодабарии минбаъдаи он чораандешӣ хоҳанд кард.

Оҷонсии зидди фасоди Тоҷикистон рӯзи 2 феврал иттилоъ дод, ки Муҳиддин Кабирӣ, раиси Ҳизби мамнӯи наҳзати исломӣ ва Абдуҳалим Назарзода, собиқ ноиби вазири мудофиаи кишвар даҳҳо амволи давлатиро ғайриқонунӣ хусусӣ кардаанд.

Тибқи иттилои Оҷонсии зидди фасод дар 12 биною иншооти хусусигардонидаи Абдуҳалим Назарзода ва наздикони ӯ санҷиши дурустию асоснокии хусусигардонии амволи давлатӣ гузаронида шуда истодааст: “Танҳо дар 8 иншоот муайян гардид, ки ҳангоми хусусигардонии амволи давлатӣ ва ҷалби қарзҳои бонкӣ бо роҳи сохтакорӣ ба давлат 5,3 миллион сомонӣ зарари молиявӣ расонида шудааст”.

Дар мавриди амволи Муҳиддин Кабирӣ масъулини Оҷонсӣ изҳор доштанд, ки гуруҳи фаврӣ - тафтишотӣ 42 биноҳои маъмурию манзилҳои истиқоматӣ ва 70 номгӯи молу амволи дигари ӯ ва наздиконашро ошкор гардидааст. Оҷонсӣ мегӯяд, Кабирӣ низ даҳҳо амволро ғайриқонунӣ аз худ кардааст.

Мӯҳр

Хабарҳои монанд:

Сорбони Ошик.

Эх Мухиддин Мухиддин,сохиби илму маьрифати бузург будиву хатохо карди.. Минбархои баланд,обуру хурмату эхтиром,хамсару фарзандони худодод,..Боз дилбаорне будаанд,ки арзи ишку мухаббати худро хаккони ошкор сохтаанд.Чи намерасид.?Дар хаети кутохи одами,кисмати инсон хар хел будааст,чое марде хатто имкон надорад,ки хонумеро дустдориш кунаду зиндагиро шириниашро фахмад,муяссараш намешавад,е умри у кутохи мекунад,е умри он хонум,Е фазое руи кисматро мепушонад,ки ин орзухо ба чуз мачозиву хаели динар суробе нест..Хело хам марди хушбахт буди.Ба марде худо намедихад,ки тпбассуми зебоеро дар ру ба руяш бинад, .Ба бисер мардон олами табассум хело ва хело ....арзон будааст.

Ҷавоб диҳед Иқтибос Шикоят

ШОХИД

ЧУМЧИ??????????????????????? ХЕЧИ НТОНИСТМ БФАХМАМ........

Ҷавоб диҳед Иқтибос Шикоят

хак

Ин кас ягон курсии хукумат надошта ин кадар биноу амвол доштабошад чи расад вакти ин хукуматихо аз мансабравнд чи бойигари доштабошан бай бай бай

Ҷавоб диҳед Иқтибос Шикоят

шохёр

Инхели ки пеш меравад аз 8 милиён чамъияти точикистон дар сурати лузум метавон хамаашро чинояткор номид агар болонишинон бихоханд.
Зайд саид намунаи бориз.

Ҷавоб диҳед Иқтибос Шикоят

javononi nov

Чанобон ба нохияи Спитамен хам омада тафтиш кунен бо бахонаи легализация хама заминхои оби иншоотхои ичтимои майдонхои истирохати кудакистонхо иншоотхои обтаминкуни иншоотхои фарханги фермахо истгоххои наклиётхои хочагии кишлок корхонахои истехсолию коркард гайриконуни несту нобуд карданд ки имруз онхо дар байни мардум раис пулдор сохибкор ва мансабдор ном доранд. Аз хама ачибаш аъзои ХХДТ аст. Кай ин иншоотхои ичтимоию фарханги ба холати аввалаш баргардонида мешавад. Баргардонед бо дер нашавад.....

Ҷавоб диҳед Иқтибос Шикоят

Эзоҳ илова кунед