Муҷозоти ронандаи троллейбус барои бархӯрд бо автобус дар Душанбе
Додгоҳи ноҳияи Исмоили Сомонӣ, Нуралиев.У, ронандаи троллейбусро барои нақзи қоидаҳои ҳаракат дар роҳ, ки бо бархӯрд бо автобус анҷомидаст, 120 сомонӣ ҷарима кардаст.
Тибқи иттилоияи додгоҳ, зимни мурофиа муайян шудааст, ки Нуралиев ҳангоми идораи троллейбус дар хиёбони Рўдакии шаҳри Душанбе дар назди чароғаки роҳнамои кўчаи Бухоро ба қафои автобуси мусофиркаш бархӯрдаст: “Дар натиҷа ҳар ду воситаи нақлиёт зарари техникӣ дидаанд”.
Дар пайи баррасии маводи парванда додгоҳ ронандаи троллейбусро дар нақзи талаботи банди 9.9-и Қоидаҳои ҳаракат дар роҳҳои Тоҷикистон гунаҳкор донистааст, ки тибқи он “ронанда бояд аз воситаи нақлиёти пеш аз у равон, чунин фосилаеро нигоҳ дорад, ки аз хавфи ба ҳам бархӯрдан эмин бошад, ҳамчунин фосилаи зарурии паҳлуиеро риоя кунад, ки бехатарии ҳаракатро таъмин карда тавонад”.
Ба иттилои манбаъ Нуралиев гуноҳашро пурра иқрор карда, зарари ба автобус расондаро барқарор кардааст. Дар баробари ин ӯ дар ҳаҷми се нишондиҳанда барои ҳисобҳо, ба маблағи 120 сомонӣ ба фоидаи давлат ҷаримабандӣ шудаст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |