15 фев 2016 13:06Тоҷикистон / Иҷтимоӣ / Рӯ ба рӯ / Дидгоҳи хос

Буҳрон дар “мардикорбозор”: 20 рӯз шуд, коре нест...

Теҳрон Файзов, коромӯз

Буҳрони иқтисодӣ ва бозгашти дастаҷамъии муҳоҷирони меҳнатӣ аз Русия, сафи корҷӯёнро дар мардикорбозорҳои Душанбе зиёд кардааст. Корҷӯён мегӯянд, гарчанде ҳаққи хизматро дар бозори меҳнат дар муқоиса ба як соли пеш ба маротиб кам кардаанд, вале наметавонанд корфармое пайдо кунанд.

Машраб Ҳакимов, сокини 54 солаи ноҳияи Восеъ, яке аз корҷӯёни мардикорбозори маҳаллаи “Гипрозем»-и шаҳри Душанбе, мегӯяд, 20 рӯз мешавад, мунтазири пайдо кардани кор аст.

Ҳакимов дар суҳбат ба “Озодагон” гуфт, қариб ҳама кор аз дасташ меояд, лекин дар мардикорбозор корфармое нест, ки барои иҷрои коре ӯро даъват намояд: “Кризис аст, кор нест. То соли 2003 ба муҳоҷирати меҳнатӣ ба Маскав мерафтам, аммо бемор шудаму дигар рафтан натавонистам. Корҳои электрикӣ ва сварка кардан метавонам”.

Ба гуфтаи Ҳакимов монанди ӯ зиёданд нафароне, ки дар мардикорбозор наздики як моҳ мунтазири кор ҳастанд: “Бекорӣ ва рӯз то бегоҳ интизор нишастан корҷӯёнро аз мағозаҳои назди мардикорбозор қарздор кардааст. Аз ҳамин ошхонаи назди бозор ҳама қарздоранд. Руйхати қарзашонро бубинед ба маблағи то 200-300 сомонӣ ғизо хӯрдаанду наметавонанд ҳаққашро пардохт кунанд”.

Ҳамсуҳбатамон афзуд, дар ярмаркаҳои ҷойҳои кори холии давлатӣ иштирок кард, аммо он маошеро, ки пешниҳод мекунанд, ҳатто барои роҳкиро намерасад: “Хароҷот зиёд. Шахсан ман як рӯз дар маршути №19 рафтам, аз ман 2 сомонӣ талаб кард. Гуфтам тирезата бин як сомонию шаст дирам навишта шудааст. Гуфт, ин кам аст, ҳеч чӣ намешавад. Қариб 70-80 фоизашон ҳамин хел мекунанд. Аммо мо дар ин мардикорбозор даҳрӯзаҳо мешавад, ки тамоман кор намеёбем”.

Ҳакимов гузаштаро зикр кард, ки рӯзе то ду се корро пайдо мекарду анҷом медод: “Аммо ҳозир ҳоли мардуми коргар дар ин ҷо вазнин аст. Дар Маскав ҳам ҳол бад аст. Боз нархи равғану орд низ қимат шудаст”.

Бекории мардикорҳои Душанбе дар ҳолест, ки ба иттилои Хадамоти муҳоҷирати Русия бозгашти оммавии муҳоҷирони меҳнатии тоҷик аз Русия идома дорад. Хадамоти федералии муҳоҷирати Русия моҳи январи соли равон бо нашри як гузориш иттилоъ дод, ки тайи як моҳи ахир теъдоди шаҳрвандони Тоҷикистон дар қаламрави ин Русия 3,8 фоиз кам шудааст.

Дар пасманзари ин раванд Эмомалӣ Раҳмон, раисиҷумҳури Тоҷикистон зимни ироаи паём ба парлумон ба масъулини давлат дастур дод, ки ба бозгашти муҳоҷирон омода бошанду дар дохили кишвар ҳар чӣ бештар ҷойҳои нави корӣ муҳайё кунанд.

Мӯҳр

Хабарҳои монанд:

Шукрулло

Шукрона кунед, шукрона.

Ҷавоб диҳед Иқтибос Шикоят

Саид

Ба фикрм дар точикистон кариб хама бекораи.

Ҷавоб диҳед Иқтибос Шикоят

шайх черан

и мардикор шарманда кард у бояд мегуфт ки нисбат ба хамин давраи соли гузашта дах баробар хуб шудааст ба фикрам тв хои худамонро тамошо намекунад ки аз сан.ати сухан дур мондааст

Ҷавоб диҳед Иқтибос Шикоят

Максуд

Аз ами фарханги шигрона буд ки то хамин пастихо расидем

Ҷавоб диҳед Иқтибос Шикоят

Хой мардум

То як ноамни нашавад мо ба амнияти озодию ороми ва серию пуррива намерасем.

Точикистонро ман хамчун кишвари пешрафта ва демократию озод мебинам.э рахмон

Ҷавоб диҳед Иқтибос Шикоят

Эзоҳ илова кунед