Ҳушдор аз сӯхтор дар беморхонаҳо: 31 ҳодиса дар 5 сол
Хадамоти оташнишонии Тоҷикистон аз беаҳамиятии бархе роҳбарони муассисаҳои тандурустӣ интиқод намуда, таъкид кардааст, ки танҳо дар 5 соли охир дар муассисаҳои тандурустӣ 31 ҳодисаи сӯхтор ба қайд гирифта шудаанд.
Тибқи иттилоияи хадамоти давлатии оташнишонӣ, ки имрӯз, 24 феврал дар сомонаи ВКД нашр гардид, сӯхторҳо дар натиҷаи риоя нашудани оддитарин қоидаҳои бехатарӣ аз ҷониби роҳбарону масъулони тандурустӣ рух доданд: “Ин сӯхторҳо 56 204 сомонӣ хисорот овардаанд, вале агар чорабиниҳои саривақтии оташнишонҳо намешуд, метавонистанд, пайомадҳои вазнинтаре дошта бошанд”.
Оташнишонҳо мегӯянд, аз шумораи умумии ҳодисаҳои сӯхтор 4 ҳодисаи он дар муассисаҳои тандурустии Қарияи болои шаҳри Душанбе рух додаанд.
Хадамоти оташнишонӣ инчунин аз ифшои камбудиҳо зимни санҷиши Муассисаи давлатии «Маркази миллии тиббии Ҷумҳурии Тоҷикистон» дар ҳафтаи гузашта иттилоъ дода, афзуд, ки барои ислоҳ ба масъулин амрномаҳо супорида шуданд.
Оташнишонҳо мардум ва масъулинро ба ҳамкорӣ даъват намуда, изҳор медоранд, ки “танҳо дар ҳамдастӣ мо метавонем сари вақт пеши роҳи ҳама гуна ҳодисаву воқеаҳои нохушро бигирем”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |