16 мар 2016 13:54Тоҷикистон / Иқтисодӣ / Рӯ ба рӯ / Тема дня

AVDATA: Тоҷикистон ҳавопаймои корӣ надорад

Оҷонсии машваратии “AVDATA/JetNet” гузориши ҷадидаш дар бораи теъдоди ҳавопаймоҳои корӣ ё ба истиллоҳ “бизнес-ҷет”-ро, ки аз ҷониби соҳибкорони алоҳида истифода мешаванд, нашр намудаст.

Оҷонсӣ танҳо ҳавопаймоҳои кориеро ҳисоб кардааст, ки дар феҳрасти миллии кишварҳои ҷаҳон сабт шудаанд ва муайян кардааст, ки теъдоди аз ҳама зиёди чунин ҳавопаймоҳо-19 ҳазору 894 адад дар ИМА ба қайд гирифта шудаанд.

Дар қаламрави собиқ кишварҳои шӯравӣ, Русия бо 189 ҳавопаймои корӣ пешсаф аст: “Қазоқистон-38 ҳавопаймои корӣ, Украина – 32, Эстония -20, Озарбойҷон – 13, Белоруссия - 13, Литва-11, Латвия – 9, Туркманистон -3, Гурҷистон-3, Арманистон – 3, Қирғизистон - 2, Молдова -1, Узбакистон-1 ҳавопаймои корӣ дорад, ки на ба мусофиркашонии оммавӣ, балки барои рафтуомади доираи соҳибкорон таҷҳизонида шудаанд”.

Гузоришгарон таъкид мекунанд, ки дар Тоҷикистон ягон ҳавопаймои корӣ ба қайд гирифта нашудааст.

Ба даҳгонаи кишварҳое, ки дар онҳо аз ҳама зиёд ҳавопаймоҳои корӣ cабт шудаанд, Амрико бо 19894 ҳавопаймо, Бразилия-1611, Канада -1335, Мексика -1305, Венесуэла -764, Олмон-764, Австралия -590), Британияи Кабир - 517, Ҷумҳурии Африқои Ҷанубӣ-435 ва Фаронса бо 410 ҳавопаймо шомил гардидаанд.

Гузоришгарон бо зикри он, ки раддабандӣ бо назардошти ҳавопаймоҳои сабтшуда дар феҳрасти миллӣ таҳия шудааст, таъкид мекунанд, ки имкон дорад доираҳои соҳибкории кишварҳои алоҳида ҳавопаймоҳои худро дар минтақаҳои офшорӣ ё феҳрасти дигар кишварҳо сабт кардаанд. Дар гузориш инчунин ҳавопаймоҳои нафарҳои аввали давлатҳои ҷаҳон сарфи назар шудаанд.

Мӯҳр

Хабарҳои монанд:

Сухроб

Сохибкорони мо сарфаю сариштакор хастанд-да-а-а.( е,ки ч,анток, барин худро нишон додан намехоханд)

Ҷавоб диҳед Иқтибос Шикоят

Zaid

БАРОДАР СУХРОБ!!!

СОХИБКОРИ БОАКЛ ХУДНАМОИ НАМЕКУНАД. ЯК СОХИБКОРИ БЕЧОРАИ МО ЯК БОР ДАХОН КУШОД, НАСИБ БОШАД АГАР ЗИНДА БОШЕМ УРО 29 СОЛ ПАС МЕБИНЕМ ДАР ОЗОДИ.

ТОЧИКРО ГУЛОМИ ДАР ПЕШОНИШ НАВИШТАГИ БУДАСТ, АФСУС!!!

ОЗОДАГОН КОММЕНТХОИ МАН РУЗХОИ ОХИР ЧОП НАШУДА ИСТОДААНД. НАТАРС!!!

Ҷавоб диҳед Иқтибос Шикоят

Душанбенец.

Сохибкорони мо дар замин кор карда натавониста истодаанд, аз дасти беадолати ва андозу корупция, аз кучо боз дар самолёт дар осмон кор меёбанд. Бечора мардуми мо комат рост кунанд, мешиканандашон. Холо мардуми мо сар карда аз зиёион то дехконон зомби шудаанд. Ман хайронам, ки аз руяшон дида мешавад, ки дилашон чи мехохаду лек забонашон тамоман гапи дигарро меуяд. Ба мисли оне, ки шох гуфт -гов мепарад, мардум бовар надораду, лек чавоб медихад- бале мепараду паст паст мепарад....

Ҷавоб диҳед Иқтибос Шикоят

мехмон

Доштани чунин самолёт шарт нест. Бизнесро бобоёни мо бо корвон хам мекарданд. Магар бо чунин тайёра сайркунанда моли арзон вориди чумхури мекунад ? Аз чунин самолёт харидан 5000 сар модагови ширдех аз Молдова биёранд бехтар.

Ҷавоб диҳед Иқтибос Шикоят

Tojik

Э ГУМШ КНЕН ИТАРИ НАГЕН КИ БО ХАМИН ХУКУМАТДОРОНИ МО ХАМАИ МУШКИЛИХОРО МОНДА ДУМИ ХАВОПАЙМОХАРИРО МЕГИРАНД МАРДУМИ БЕЧОРА ГУШАВУ ТАШНА ИНХОРО ФАКАТ ДАР ХУДНАМОИ МОНИВУ ХАЛОС 1 ЧАХОН ТАШАКУР

Ҷавоб диҳед Иқтибос Шикоят

Эзоҳ илова кунед