Баъди 7 голи беҷавоб. Мубин Эргашев дар беморхона бистарӣ шудааст
Мубин Эргашев, иҷрокунандаи вазифаи сармураббии мунтахаби футболи Тоҷикистон, пас аз бо ҳисоби бузург мағлуб шудани яккачини кишвар бо далели бемории қалб дар Маркази миллии тиббӣ бистарӣ шудааст.
Бино ба иттилои Федератсияи футболи Тоҷикистон, Эргашев рӯзи якшанбеи 27 март баъди аз Австралия ба Душанбе омадан бистарӣ шудааст.
24 март дар варзишгоҳи “Аделаида Овал”-и Австралия дар доираи даври нуҳуми марҳилаи дувуми сабқати интихобии қаҳрамонии ҷаҳон-2018 тими миллии Тоҷикистон аз мунтахаби Австралия бо ҳисоби 0:7 шикаст хӯрд.
ФФТ мегӯяд, баъди бозгашт мунтахаби миллии футболи Тоҷикистон ба омодагиҳо барои бозии охирини марҳилаи интихобии қаҳрамонии ҷаҳон-2018 бидуни Мубин Эргашев шурӯъ кардааст: “Тавре маълум гардид, саломатии мутахассиси 42-сола чанд вақт боз хуб набудааст Табибон ба ӯ ҷиддӣ тавсия додаанд, ки аз футбол худдорӣ ва фавран барои табобат дар беморхона бистарӣ шавад”.
Тими миллии Тоҷикистон дар бозии даври ниҳоии марҳилаи интихобии қаҳрамонии ҷаҳон-2018 дар гуруҳи “В” таҳти раҳбарии мураббии калони даста Роман Пилипчук ба майдон меояд.
Дар даври ниҳойӣ – 28 март Тоҷикистон бо мунтахаби Қирғизистон қувва меозмояд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |