Ҳисоботи раиси “Тоҷиксодиротбонк”: Бояд чораҳои солимгардониро амалӣ кунем (АКС)
Тоҷиддин Пирзода, раиси “Тоҷиксодиротбонк” дар ҷаласаи солонаи саҳмиядорони бонк аз фаъолияташ дар соли 2015 ҳисобот дода, суду зиёнро ба баррасӣ гузоштааст.
Тавре аз ин бонк ба “Озодагон” иттилоъ доданд, Пирзода таъсири буҳрони ҷаҳониро ба фаъолияти бонк тасдиқ карда, таъкид намудааст, ки ҳадафи аввалиндараҷааш дар соли ҷорӣ татбиқи чораҳои солимгардонӣ мебошад. Ӯ саҳмдорони бонкро бо Наврӯз ва 24-умин солгарди таъсисёбии "Тоҷиксодиротбонк" табрик карда, илова намудааст: “Дар шароити буҳрони иқтисодии ҷаҳонӣ ҳадафи аввалиндараҷаи Бонк дар соли ҷорӣ, амалинамоии чораҳои солимгардонӣ ва тақвияти пайгиронаи рушди босуботи молиявӣ, беҳтарнамоии самаранокии фаъолият ва боз ҳам баланд бардоштани сифати хизматрасонӣ ба мизоҷон мебошад”.
Манбаъ мегӯяд, дар ҷаласаи инчунин ҳисоботи кумитаи аудити Бонк дар бораи фоидаву зарар дар соли 2015 ироа гардид, аммо ҷузъиёти онро ифшо накард.
Қаблан беҳбуди фаъолияти “Тоҷиксодиротбонк” яке аз мавзӯъҳои меҳварии мулоқоти Ҷамолиддин Нуралиев, ноиби аввали раиси Бонки миллии Тоҷикистон ва ҳайати воломақоми Бонки аврупоии таҷдид ва рушд (БАТР) буд.
Бино ба иттилои Бонки миллӣ ҷонибҳо стратегияи нави фаъолият ва эҳтимоли ҷалби сармоягузорони нави хориҷӣ ба "Тоҷиксодиротбонк"-ро баррасӣ намуданд.
Ин талошҳо дар дар ҳолеянд, ки мизоҷони ин бонк аз мушкилоти фаъолияти он шикоят намуда, изҳор медоранд, ки барои гирифтани маблағ аз кортҳояшон вақту нерӯи зиёдро сарф мекунанд. Корафтодагон мегӯянд, дар бисёре аз банкоматҳои “Тоҷиксодиротбонк” пули нақд нест ва барои гирифтани маблағ дар дафтари марказӣ ҳамарӯза навбат меистанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |