Қатъи ҷустуҷӯи Сулаймони 3-моҳа, ки ҳамроҳи модараш ғарқ шуд
Кумитаи ҳолатҳои фавқулодаи Тоҷикистон мегӯяд, ба ҷустуҷӯи ҷасади Сулаймони 3-моҳа хотима додаанд.
Аз ин ниҳод имрӯз, 8 апрел ба “Озодагон” гуфтанд, ҷустуҷӯ аз рӯзи гузашта қатъ гардид: “Аз рӯзи 2 то 7 апрел кормандони мо дар шаҳру навоҳие, ки ситод доштем, ҳамроҳ бо аҳолӣ ҷасади кӯдакро ҷустуҷӯ намуданд, аммо онро пайдо накарданд. Аз ин рӯ тасмим гирифтем, дигар кофту кобро ба анҷом расонем”.
Ин дар ҳолест, ки қаблан Ориф Нозимов, сухангӯйи Кумитаи ҳолатҳои фавқулода гуфта буд, кормандони ин ниҳод маҷмуи обро нигоҳ карда, то минтақаи Шаҳритӯс ва Қубодиён ҷасади кӯдаки 3 моҳаро мекобанд: “Аз сабаби зиёд будани об шояд ҷасад ба минтақаи Хатлон рафта бошад ва супориш ҳам шудааст, ки маҳз дарёи ҳамин минтақа кофта шавад”.
Сулаймони 3-моҳаро рӯзи 2 апрели соли равон модараш -- Мафтуна Раҳмонова, сокини 20-солаи шаҳри Ваҳдат ҳамроҳи худ ба дарё андохт. Ҷасади Мафтунаро баъдан пайдо карданд.
Наздикони ин зан сабаби даст ба худкушӣ задани ӯро дар хушунат аз ҷониби наздикони шавҳараш – Оятулло Ҷӯраев арзёбӣ карданд. Аммо наздикони Оятулло ин иддаоро рад мекунанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |