Freedom House мегӯяд, сатҳи демократия дар Тоҷикистон поин меравад
Freedom House ё Хонаи Озодӣ, Созмони ғайридавлатии амрикоӣ мегӯяд, соли гузашта дар Тоҷикистон “бадшавии фоҷиабор”-и нишондодҳои демократӣ мушоҳида шудааст.
Дар гузориши тозаи ин созмон гуфта мешавад, Тоҷикистон дар масъалаи рушди демократия аз кишварҳои дигари минтақа қафо мондааст. Гузориши Хонаи Озодӣ, “Кишварҳои давраи гузариш-2015” ном дошта, имрӯз, 12 апрел нашр гардид ва авзои 29 ҷумҳурӣ аз Аврупои Марказӣ то Осиёи Марказиро баррасӣ мекунад.
“Freedom House” дар ҳар кишвар вазъро бар пояи 7 нишондоди калидӣ -- интихобот, вазъи ҷомеаи шаҳрвандӣ, осебпазирии расонаҳо, сатҳи фасодкорӣ, сифати раҳбарии миллӣ ва маҳалливу мустақилияти низоми судӣ баррасӣ кардааст. Арзёбӣ тавассути раддабандии ҳафтдараҷагӣ анҷом шуда, баҳои 7 бадтарин мебошад.
Нейт Шенкан, яке аз гузоришгарон гуфтааст, Тоҷикистон дар соли гузашта ба таври бесобиқа ба мухолифон фишор овард. Ба қавли ӯ, Қазоқистон ва Қирғизистон ба манзури назорати ҷомеаи шаҳрвандӣ дар мавриди фаъолияти созмонҳои ғайридавлатӣ бо истифода аз таҷрибаи Русия қонунҳоеро бо “навовариҳои маҳдудкунанда” қабул карданд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |