Қафомонии бесобиқаи Тоҷикистон дар “Озодии матбуот-2016”
Созмони Хабарнигорони бидуни марз бо нашри гузориши ҷаддид дар мавриди озодии матбуот дар соли 2016 Тоҷикистонро миёни 180 давлати дунё дар ҷои 150-ум қарор додаанд, ки ин нисбати нишондоди як сол пеш 34 зина поин мебошад.
Тоҷикистон дар гузориши озоди матбуот дар соли 2015 мақоми 116, соли 2014-ҷои 115-ум ва солҳои 2011-2012 ҷойи 123-юмро соҳиб шуда буд.
Дар раддабандии ҷадид гузоришгарон густариши худкомагӣ дар Тоҷикистон ва маҳдуд кардани озодии баён бо баҳонаи мубориза бо ифротгароию таъмини амниятро таъкид кардаанд. Инчунин дар гузориш аз бозпурсиҳои маъмурини амният аз журналистони мустақил зикр шуда, илова гардидааст, ки сайтбандӣ ва назорати мухобирот дар Тоҷикистон ба як зуҳуроти муқаррарӣ табдил ёфтааст.
Тибқи раддабандии ҷадид Финландия соҳиби матбуоти озодтарин арзёбӣ шудааст. Ба даҳгонаи кишварҳои пешсаф инчунин Нидерландия, Норвегия, Дания, Зеландияи нав, Коста Рика, Швейтсария, Шветсия, Ирландия ва Ямайка ворид шудаанд”.
Олмон дар зинаи16, Канада-18, Британияи Кабир-38, ИМА-41 ҷой гирифтаанд. Аз миёни кишварҳои собиқ шӯравӣ Эстония соҳиби мақоми 14, Латвия – 24, Литва –35, Гурҷистон - 64, Арманистон – 74, Украина – 107, Русия-148, Тоҷикистон – 150, Беларусия – 157, Қазоқистон– 160 ва Озарбойҷон соҳиби ҷойи 163-юм гардидаст.
Ба панҷгонаи кишварҳои матбуоташон маҳдудтарин Эритерия, Кореяи Шимолӣ, Туркманистон, Сурия ва Чин ворид гардидаанд.
Гузоришгарон мегӯянд, дар маҷмуъ тайи соли 2015 озодии матбуот дар ҷаҳон поин рафта, “марҳилаи тарғиботу ташвиқот” оғоз шудааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |