10 май 2016 09:52Тоҷикистон / Сиёсат

Сафари нахустини Ғанӣ ба Душанбе: Аз суҳбат бо донишҷӯён то мулоқоти хоса бо Э.Раҳмон

Муҳаммад Ашраф Ғанӣ, раисиҷумҳури Афғонистон бо нахустин сафари расмӣ имрӯз, 10 май вориди Тоҷикистон шуд.

Тавре аз дафтари матбуоти раисиҷумҳури Тоҷикистон итттилоъ доданд, барои истиқболи расмӣ аз меҳмон назди майдони Қасри миллат ҷузъу томҳои Горди фахрӣ ва оркестри асбобҳои нафасӣ саф оростанд: “Эмомалӣ Раҳмон, раисиҷумҳури Тоҷикистон Муҳаммад Ашраф Ғаниро самимона истиқбол гирифта, ба болои шоҳсуфаи ифтихорӣ даъват намуд. Маросими истиқболи расмӣ бо гузашти низомии Горди фахрӣ аз назди Президенти Ҷумҳурии Тоҷикистон Эмомалӣ Раҳмон ва Раисҷумҳури Ҷумҳурии Исломии Афғонистон Муҳаммад Ашраф Ғанӣ ба поён расид”.

Ба иттилои манбаъ, феълан мулоқоти хосаи Эмомалӣ Раҳмон ва Муҳаммад Ашраф Ғанӣ оғоз ёфт, ки дар он густариши муносибатҳои ду кишвар баррасӣ хоҳанд шуд. Дар назар аст, ки раисиҷумҳури Афғонистон бо сарвазир, раиси парлумон ва дигар намояндаҳои Тоҷикистон мулоқот кунад.

Дафтари матбуоти Ашраф Ғанӣ инчунин гуфтааст, ки ӯ дар Донишгоҳи миллии Тоҷикистон дар ҷамъи устодон ва донишҷӯёни ин донишгоҳ суханронӣ хоҳад кард. Дар ин сафар Салоҳиддин Раббонӣ, вазири умури хориҷаи Афғонистон, Алӣ Аҳмад Усмонӣ, вазири энержӣ ва об, Фарид Ҳамидӣ, додситони кулл ва Қудратуллоҳ Диловарӣ, раиси ширкати барқи “Брешно” раисиҷумҳури Афғонистонро ҳамроҳӣ мекунанд.

Мӯҳр

Хабарҳои монанд:

Найнавоз.Уялы

Ашраф Гани,бо ман мани,бобои Карзай таьна зад,
Хам ин бигуфту он бигуфт,аз минбари хеш рахна зад,
Гуфто чи кор кард Карзаю,гуфто чихое офарид?
Гуфто ба гуфтигоихо аз чанбари пеш чакна зад.
Моен хама чавчак задем,хушнуд шуда чак чак задем,
Мо афгону мо точикон,гох думбак,гох таблак задем.
Моем табиан соддахо,гох масте аз бебодахо,
Гох рохи охан хат кашем,гох тори баркро баркашем,
Дустони точик,дар чи хол,дар холи барку охананд,
Мо хешу дустонем ба хам,колини картро сар кашем.
Орзуи мо то Кибрие,дар гирди мизхо саф кашем,
Дихем тасалли якдигар,то рохи охан сар шавад,
Кафкубиву карсак занем,гушхои толиб кар шавад!

Ҷавоб диҳед Иқтибос Шикоят

Эзоҳ илова кунед