Ворид шудани БАТР ба ҳайати саҳҳомони “Тоҷиксодиротбонк” дар Лондон баррасӣ мешавад
Зиё Салом Каёнӣ, намояндаи ширкати байналмилалии “Ernst&Young” таъсири омилҳои буҳрониро ба фаъолияти Тоҷиксодиротбонк чашмрас хонда, таъкид кардааст, барои берун шудан аз ин вазъ бояд чораҳои фаврӣ андешида шавад. Ин нуктаро оқои Каёнӣ дар ҷаласаи марбут ба вазъи молиявии ҶСК “Тоҷиксодиротбонк” ва роҳҳои беҳтар намудани фаъолияти он, баён доштааст.
Аз “Тоҷиксодиротбонк” ба “Озодагон” гуфтанд, ин ҷаласа аввали ҳафтаи сипаришуда бо ҳузури раиси “Тоҷиксодиротбонк”, намояндаҳои Вазорати молия, Бонки миллӣ, Бонки аврупоии таҷдид ва рушд, Бонки ҷаҳонӣ, Хазинаи байналмилалии асъор, Корпоратсияи молиявии байналмилалӣ, намояндагони ширкатҳои байналмилалии аудитории “Ernst&Young” ва “Грант Торнтон” дар қароргоҳи Бонки аврупоии таҷдид ва рушд дар шаҳри Душанбе сурат пазируфт.
Ба гуфтаи манбаъ, Зиё Салом Каёнӣ, намояндаи ширкати байналмилалии “Ernst&Young” зимни муаррифии гузориши ширкати аудитории “Грант Торнтон”, ки вазъияти воқеии “Тоҷиксодиротбонк”-ро баҳогузорӣ кард, таъкид намуд, ки бо мақсади ҳифзи эътимоди мардум ба низоми бонкии кишвар дар шароити таъсири омилҳои буҳронӣ ба низоми бонкӣ ва иқтисоди кишвар дастгирии бонкҳо тақазои замон аст: “Ҳамаи иштирокдорон якдилона изҳор намуданд, ки “Тоҷиксодиротбонк”, ки яке аз бонкҳои низомсози кишвар аст, дар шароити кунунӣ ниёз ба дастгирии молиявӣ дорад. Аз ҷумла, бо роҳи сармоягузории иловагӣ аз ҷониби Ҳукумати Ҷумҳурии Тоҷикистон ва ташкилотҳои молиявии байналмилалӣ дар муддати кӯтоҳ вазъи фаъолияти бонк муътадил карда хоҳад шуд, то бонк тавонад уҳдадориҳои худро дар назди муштариён пурра ва бенуқсон иҷро намояд”.
Тоҷиддин Пирзода, раиси ҶСК “Тоҷиксодиротбонк” дар ин ҷаласа нақшаи амалии солимгардонии фаъолияти бонкро пешниҳод кардааст. Манбаъ меафзояд, “зимни дастгирии стратегияи роҳбарияти Тоҷиксодиротбонк изҳор гардид, ки баъд аз ҷаласаи солонаи БАТР, ки 11 майи соли равон дар Лондон доир гардида, дар он роҳбарияти БМТ ва ҶСК “Тоҷиксодиротбонк” ширкат меварзанд, масъалаи ворид шудани БАТР ба ҳайати саҳҳомони ҶСК “Тоҷиксодиротбонк” дар сатҳи баланд баррасӣ хоҳад шуд”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |