18 май 2016 16:35Тоҷикистон / Сиёсат / Рӯ ба рӯ

Аъзои раёсати олии ҲНИТ: Ҳукми одилона мехоҳем

Чор аъзои Раёсати олии ҳизби фаъолияташ дар Тоҷикистон мамнӯи наҳзати исломӣ аз додрас хостаанд, алайҳи онҳо ҳукми одилона барорад.

Маҳмадалӣ Ҳайит, Сайидумар Ҳусайнӣ, Абдуқаҳҳори Давлат ва Қиёмиддини Аваз, раҳбарони аршади ҲНИТ имрӯз, 18 май зимни баромад дар мурофиаи додгоҳӣ тамоми иттиҳомот алайҳи худро рад карда, аз қозии парванда ҳукми одилонаро талаб кардаанд. Наздикони ин афрод мегӯянд, қарор аст, боз чанд боздоштшудаи дигар баромад кунад: “Агар баромади ҳамаи муттаҳамон имрӯз анҷом ёбад, шояд фардо додгоҳ ба хонаи машваратӣ биравад”.

Дар охирин мурофиаи додгоҳӣ айбдоркунандаи давлатӣ барои 5 узви раёсати олии Ҳизби мамнӯи наҳзати исломии Тоҷикистон -- Сайидумар Ҳусайнӣ, ноиби аввали раиси ҲНИТ, Муҳаммадалии Ҳайит, ноиби раис, Қиёмиддини Аваз, раиси шӯъбаи душанбегии ҲНИТ, Абдуқаҳҳори Давлат, масъули равобити хориҷии ҲНИТ ва Раҳматуллоҳи Раҷаб, раиси шӯъбаи ноҳияҳои тобеъи Маркази ҲНИТ ҳукми абад дар зиндони низомаш махсус талаб карда буд.

Айбдоркунанда ҳамчунин барои Ҳикматулло Сайфуллозода, муҳаррири ҳафтаномаи “Наҷот” - 30 соли зиндон, Муҳамадалии Файзмуҳаммад, раиси Шӯъбаи тафтишоти ҲНИТ - 29 сол, Зубайдуллоҳи Розиқ, раҳбари шӯъбаи илм ва кор бо уламои ҲНИТ -30 сол, Каримов Саттор, маъруф бо Эшони Саттор - 28 сол, Саъдиддини Рустам - 24 сол, Воҳидхони Қосиддин, раҳбари шӯъбаи интихоботии ҲНИТ - 22 сол, Муҳаммадшариф Набиев, раиси шӯъбаи хатлонии ҲНИТ - 16 сол, Ғайратов Абдусамад, раиси бахши минтақаи Кӯлоби ҲНИТ - 16 соли зиндони низомаш сахт талаб кардааст.

Барои Зарафо Раҳмонӣ, ягона зан миёни боздоштшудагон, ки ба ҳайси мушовир ҳуқуқии раиси ҲНИТ фаъолият мекард, 5 сол маҳбас талаб карда шудааст.

Саидумар Ҳусайнӣ, Муҳаммадалӣ Ҳайит, Абдуқаҳҳори Давлат, Раҳматуллоҳи Раҷаб, Зубайдуллоҳи Розиқ, Муҳаммадалии Файзмуҳаммад, Ҳикматуллоҳ Сайфуллозода, Қиёмиддин Авазов, Зарафо Раҳмонӣ, Маҳмадшариф Набиев, Абдусамад Fайратов, Саттор Каримов ва Воҳидхон Қосидинов баъд аз амалиёт алайҳи генерал Абдуҳалим Назарзода, муовини собиқи вазири мудофиа дар моҳи сентябри соли 2015 боздошт шуданд. Додситонии кулли Тоҷикистон 17 сентябр бо нашри як изҳорот гуфт, ин афрод баъди пурра нобуд кардани аъзои гуруҳи "Ҳоҷӣ Ҳалим" (Абдуҳалим Назарзода) қасди фирор аз кишварро доштаанд: “Дар асоси далелҳои дар рафти тафтишот дастрасшуда, бо мақсади пешгирӣ кардани амалҳои нави террористӣ, ҷалб кардани шаҳрвандон ба содир кардани ҷиноятҳои хусусияти экстремистидошта, созмон додани дастаҳои мусаллаҳи ғайриқонунӣ, инчунин халалдор намудани оромӣ ва амнияти мардуми Тоҷикистон шахсони зикршуда боздошт гардиданд".

Ин ниҳод баъдан эълон кард, алайҳи боздоштшудаҳо бо иттиҳоми терроризм, ташкили иттиҳоди ҷиноятӣ, барангехтани кинаю адовати миллӣ, нажодӣ, маҳалгароӣ ва ё динӣ, ба таври зӯроварӣ ғасб намудани ҳокимият ё бо зӯроварӣ нигоҳ доштани ҳокимият, даъвати оммавӣ барои бо роҳи зӯроварӣ тағйир додани сохти конститутсионӣ, исёни мусаллаҳона ва чанд моддаи дигари Кодекси ҷиноятӣ парванда боз шудааст.

Мӯҳр

Хабарҳои монанд:

бандаи Худо

аз тамоми бародарон ва хохароне,ки дилашон ба ин дустони Худо ва ба ватани азизу махбубамон месузад хохиш мекунам,ки ин шабу рузхо дар хакашон намоз хонда аз Аллохе,ки худ мададгори мазлумон аст дуо кунанд то Аллох барои инхо сабри чамил ва озодиро ато кунад.омин

Ҷавоб диҳед Иқтибос Шикоят

мухочир

Бародарон ба шумо аз даргохи ОЛЛОХначоти очилмехохам омин омин омин

Ҷавоб диҳед Иқтибос Шикоят

Муаллим

Худовандо ту қодиру бузург ҳасти ба ҳурмати дину оини покат бадхоҳонро ба максадаш нарасон

Ҷавоб диҳед Иқтибос Шикоят

Ахрор

Худованд начоташон дихад

Ҷавоб диҳед Иқтибос Шикоят

Эзоҳ илова кунед