“Новая газета”: Раванди тафтишоти қазияи Умаралӣ Назаров ғайриқонунӣ эълом шудааст
Ба иттилои нашрия, додгоҳ ҳамчунин амалҳои зиёди ғайриқонуниро дар ҷараёни тафтишот пайдо карда, мақомҳои марбутро барои рафъи онҳо муваззаф кардааст. Манбаъ бо такя ба ҳалномаи додгоҳ менависад: “Ҳамаи санадҳои тиббӣ дар наздиктарин фурсат ба волидони Умаралӣ Назаров ва вакили мудофеи онҳо пешниҳод мешаванд. Инчунин кумитаи тафтишот вазифадор шудааст, ки ташхиси тиббӣ-додгоҳии навро таъйин кунанд”.
Ба гуфти додгоҳ, Александр Ожиганов - муфатиши ноҳияи Невский давоми ҳафт моҳ ба ҷабридидащо ва вакилони мудофеашон ягон иттилоъ надодаанд. Бар илова онҳоро ба маводи парванда шинос накардаанд. Олга Сейтлина, вакили дифои волидони Умаралӣ Назаров ба “Новая газета” гуфтааст, “мо ба тағйири ҷиддӣ дар парванда умед надорем. Кӯдакро намешавад баргардонд. Муоинаи нав имконпазир аст, аммо ҷасади кӯдак алакай нест. Ҳоло танҳо намунаи доруҳо мондаанд, ки метавон онҳоро таҳқиқ кард. Аммо бо он мавқее, ки муфатишон доранд, фикр мекунам, экпертизаи нав ҳам далели мурдани кӯдакро вирус мегӯяд. Гуфтани ин чиз душвор аст, ки ӯ вирус надошт. Ин вирусро 90 фоизи мардуми ҷаҳон доранд. Ин ғолибияти зудгузар аст. Мо ба самаранокии тафтишот боварӣ надорем. Вале муҳим ин аст, ки додгоҳ бештари корҳои муфатишонро ғайриқонунӣ донист. Қарор аст, мо ба Додгоҳи аврупоии ҳуқуқи кӯдак муроҷиат кунем”.
Олга Сейтлина ва Юрий Серов, вакилони мудофеи волидони Умаралӣ Назаров 3 март ба сабаби бефаъолиятии муфаттишон ва нақзи ҳуқуқи ҷабрдидаҳову намояндаҳои онҳо ба додгоҳ шикоят бурданд. Додгоҳ ин шикоятро давоми ду моҳ баррасӣ карда, маводи парвандаи ҷиноятиро аз муфатишон дастрас накардааст. Баъди муроҷиати сеюм додрас Алексей Головко ба ғайр аз чанд коғаз чизи дигарро нагирифтааст. Аммо тибқи ин санадҳои дастрасшуда боз ҳам додгоҳ хулоса кардааст, ки муфатишон дар рафти тафтишот ба нақзи қонун роҳ додаанд.
Умаралӣ Назаров, кӯдаки панҷмоҳаи тоҷик баъди он ки аз дасти волидонаш гирифта шуд, шаби 13 ба 14 октябри соли гузашта ба таври мармуз дар беморхонаи Симбалина даргузашт. Ин қазия ба гунаи бесобиқа дар расонаҳо бозтоб ёфт, таваҷҷуҳи ҷомеаи шаҳрвандиро ҷалб кард ва дар сатҳи болои ҳукуматҳои Тоҷикистон ва Русия дар миён гузошта шуд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
