24 май 2016 15:00Тоҷикистон / Сиёсат / Дидгоҳи хос / Тема дня

Хабарнигори “Ал-Ҷазира”-ро ба мурофиаи Бузургмеҳр Ёров роҳ надоданд

Мурофиаи навбатии Бузургмеҳр Ёров ва Нуриддин Маҳкамов, ҳуқуқшиносони тоҷик дар Додгоҳи ноҳияи Фирдавсии шаҳри Душанбе бо таъхири чор соата шурӯъ гардид.

Ин мурофиа қарор буд соати 10:00 оғоз шавад. Хабарнигори “Озодагон” мегӯяд, далели таъхир дар шурӯи мурофиа ба ҳозир нашудани ҷабрдидаҳо рабт дода мешавад: “То ин соат танҳо чор нафар, ки ҳамчун ҷабрдида дар ин парванда номнавис шудаанд, ҳозир шудаанд. Масъулини додгоҳ гуфтаанд, агар ҳадди аққал ду нафари дигар ба додгоҳ биёяд, баррасии парванда аз сар гирифта мешавад”.

Теъдоди умумии ҷабрдидаҳо 18 нафар гуфта мешавад. Дар мурофиаи қаблӣ рӯзи 13 май Бузургмеҳр Ёров аз додрас тақозо кард, дар асоси қонун бояд ҳамаи ҷабрдидаҳо дар мурофиа ҳузур дошта бошанд. Ӯ гуфт, барои ҳозир нашудан ҳар ҷабрдида 400 сомонӣ ба фоидаи давлат ҷарима баста шаванд. Аммо Асадулло Бобохонзода, додраси парванда гуфт, ҷабрдидаҳоро барои ҳозир нашудан ҷарима намекунанд, зеро шояд барои наомадан ба мурофиа узр доранд. Вай гуфт, талош мекунанд дар мурофиаи баъдӣ ҳамаи ҷабрдидаҳо ҳозир шаванд.

Бино ба гуфтаи айбдоркунандаи давлатӣ 18 нафаре, ки аз Бузургмеҳр Ёров шикоят бурдаанд, иддао доранд, ӯ дар маҷмӯъ 92 ҳазору 300 доллари онҳоро гирифтааст. Аммо Ёров ин ҳамаро рад мекунад.

Мурофиаи додгоҳӣ баъди соати 14:00 оғоз шуд, аммо додраси парванда ба ҷуз аз модар ва ҳамсари Бузургмеҳр Ёров касе иҷозаи ҳузур дар онро надодааст. Ин дар ҳолест, ки барои иштирок дар мурофиа наздикони Ёров, хабарнигорон ва намояндаҳои Созмони милали муттаҳиду Созмони амният ва ҳамкорӣ дар Аврупо, инчунин як хабарнигори шабакаи телевизионии “Ал-Ҷазира” ҷамъ шуда ва чор соат мунтазири шурӯи мурофиа буданд.

Мӯҳр

Хабарҳои монанд:

Jazeera

Агар *Ал-Ҷазира* ё *ББС* ё *Тамоми расонаҳои дунё* оянд, бе фойда аст.
Зеро, ки тамоми додгоҳои шахсони мазлум паси дарҳои баста мегузаранд.

Ҷавоб диҳед Иқтибос Шикоят

Мухочир

Мардуми точик бедор шавед. Аз омадани ин хабарнигори телевизионии “Ал-Ҷазира” буи фитна меояд. Ин телевизионе мебошад ки сабаби рехтани хуни хазорхо бародарони мусалмони мо дар давлатхои араби аст... Хуни чавонони мо низ ки дар Сурия кушта шудааст аз фитнаандозихои “Ал-Ҷазира” сарчашма мегирад... Чангро дар давлатхои Араби тавасути хамин телевизон шуруь карда буданд... ки то хол хуни мардуми мусалмон дар он давлатхо рехта мешавад...

Ҷавоб диҳед Иқтибос Шикоят

Al-Jazeera

Озодагон то таърифу тавсиф накунем чоп намекуне ???
ё номатро алиш кун !!!

Ҷавоб диҳед Иқтибос Шикоят

Ronanda

Мухочир,
Бародар камеҳам бошад мунсифона навис!!! *Ал-Ҷазира* ягона телевизионе аст, ки ҳақиқатро хеле равшан мекунад. аз ББС ё ЕВРОНИЮС ва дигар телевизионҳо дида бо инсофтар аст. ин аз мантиқ дурас гуё сабаби ин ҳама ҷангҳо *Ал-Ҷазира* бошад. Оё ҷанги дувуми ҷаҳонро Ал-Ҷазира сабаб шуда буд???.....))) wink