02 июн 2016 15:00Оcиёи Марказӣ / Тоҷикистон
Алиакбар ба орзуяш расид. Зафар Аюбӣ ба дидорбиниаш омадааст (ВИДЕО)
Оламбӣ Қурбонова, ҳамсари Зафар Аюбӣ 2 июн дар суҳбат ба “Озодагон” гуфт, шавҳараш субҳи имрӯз ба назди Алиакбар рафта, бо вай ду соат суҳбат кардааст. Мураббияҳои хонаи кӯдакон мегӯянд, Алиакбар аз ҳузури Зафар Аюбӣ хеле хурсанд шуд: "Алиакбар рӯзи 20-уми август мавлуд дорад ва Зафар Аюбӣ ваъда дод, он рӯз бо гуруҳаш ба хонаи кӯдакон омада, ҳунарнамоӣ мекунад. Ният дорем, он рӯз инчунин хатнатӯйи писарони хонаи кӯдаконро баргузор кунем".
Ба суоли Зафар Аюбӣ, "чӣ надорӣ?", Алиакбар посух додааст, ки "DVD". Ин сароянда барои хариди "DVD" 200 сомонӣ кумак кардааст.
Якуми июн, дар Рӯзи байналмилалии кӯдакон хабарнигори “Озодагон” ба Муассисаи давлатии Хонаи кӯдакони рақами 1-и пойтахт рафт ва аз ҷараёни таҷлили ин сана як гузориш таҳия намуд. Алиакбари 10-cола, яке аз тарбиятгирандаҳои ин муассиса дар навори видеоие гуфт, солҳост интизори омадани Зафар Аюбӣ аст. Вай гуфт, дар гузашта ба ҳар тариқ, ҳатто тавассути телевизиони Тоҷикистон аз Зафар Аюбӣ хоста буд, ки ба назди онҳо биёяд ва консерт бидиҳад.
Хонум Қурбонова гуфт, шавҳараш баъди дидани навори “Озодагон” ба хонаи кӯдакон рафт: “Дирӯз чанд бор ин видеоро тамошо карду гуфт, ман бояд биравам бо ин кӯдак суҳбат кунам. Моро ба як тӯй даъват карда буданд, аммо Зафар гуфт аввал бояд бо Алиакбар суҳбат кунам”.
НАВОРИ СУҲБАТИ АЛИАКБАР
Зафар Аюбӣ аз хонандаҳои маъруфи Тоҷикистон аст. Ӯ бештар ба маросимҳои хурсандии мардум даъват мешавад. Солҳои охир дар телевизион ҳам ҳузур пайдо карда, дар бархе чорабиниҳои давлатӣ низ ҳунарнамоӣ мекунад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
