Паёми Зуҳуров ба додситони кул: Барои дигар мансабдорон намуна бошед
Валӣ Ваҳҳобов, муовини додситони кулли Тоҷикистон зимни муаррифии лоиҳа гуфт, ҳадаф аз қонуни нав ҳифзи ҳуқуқу озодиҳои шаҳрвандон мебошад. Ба гуфтаи Ваҳҳобов воқеияти феълӣ баёнгари он аст, ки бархе мансабдорон баррасии шикояту муроҷиатҳои шаҳрвандонро дар сатҳи зарурӣ ба роҳ намондаанд. Ноиби додситони кул таъкид намуд, ки барои мансабдорон бояд қабулу баррасии муроҷиатҳои шаҳрвандон дар ҷойи аввал қарор бигирад.
Мавлуда Қаландарзода, вакили Маҷлиси намояндагон дар робита ба қонун “Дар бораи муроҷиатҳои шахсони воқеӣ ва ҳуқуқӣ” гуфт, ин лоиҳа кафолати ҳуқуқии шаҳрвандонро дар бар мегирад. Ба гуфтаи ӯ фарқи қонуни нав аз дигар санадҳои меъёрӣ дар он аст, ки бар асоси он дар баробари шахсони воқеӣ шахсони ҳуқуқӣ низ ҳақ доранд, тариқи хаттӣ, шифоҳӣ, телефон, почтаи электронӣ, матбуот ва ғайра ба мансабдорону идораҳои давлатӣ муроҷиат кунанд. Қаландарзода афзуд, ки масъулияти мансабдорон дар самти баррасии муроҷиати шаҳрвандон низ бештар шуда, дар сурати беасосу саривақт баррасӣ нашудани арзу шикояти шаҳрвандон барои мансабдорон ҷавобгарии ҷиноятӣ пешбинӣ шудаст.
Шукурҷон Зуҳуров, раиси Маҷлиси намояндагони Тоҷикистон таъкид намуд, ки шаҳрвандон ҳеч гоҳ ба мансабдорон аз хурсандӣ муроҷиат намекунанд. Ба гуфтаи раиси Маҷлиси намояндагон шаҳрвандон аз дард, беадолатиҳое, ки дар ҷомеа рух медиҳанд, аз бемасъулиятии вазирону вакилон ба идораҳои давлатӣ муроҷиат мекунанд ва бояд ба арзи онҳо расидагӣ шавад. Зуҳуров дар хитоб ба Ваҳҳобов изҳор дошт, ки Юсуф Раҳмон, додситони кулли Тоҷикистон бояд дар баррасии муроҷиати шаҳрвандон барои дигар мансабдорон намуна бошаду ягон муроҷиатро бе баррасӣ нагузорад. Раиси Маҷлиси намояндагон аз Ваҳҳобов хост, ин хоҳиши ӯро ба додситони кулли Тоҷикистон расонад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
