21 июн 2016 08:46Тоҷикистон / Иқтисодӣ

Нигаронии Давлатзода аз пинҳонкорӣ дар “НФС”-ҳо: “Калонка”-ю зарфҳоро муҳр занед!

Нусратулло Давлатзода, раиси Кумитаи андози Тоҷикистон, давоми се моҳи охир барои ҷилавгирӣ аз пинҳонкунии андозҳо ва дарёфти даромади иловагӣ барои давлат бори дуюм супориш додааст, ки тамоми ҳисобкунакҳои фурӯши сӯзишворӣ муҳрбандӣ шаванд.

Тибқи дастури такрории Давлатзода, ки нусхаи он дастраси “Озодагон” шуд, мақомоти маҳаллии андоз вазифадоранд, нишондиҳандаи ҳисобкунакҳои нуқтаҳои сӯзишвориро ҳар моҳ қайд кунанд ва онро муҳр зананд. Раиси Кумитаи андоз аз он изҳори нигаронӣ кардааст, супорише, ки моҳи март дар ин маврид содир кард, аз ҷониби тобеин пурра иҷро нагардидааст: “Танҳо мақомоти андози шаҳри Душанбе ва қисман навоҳии вилояти Суғд ин супоришро иҷро карданд. Масъулини андози вилояти Хатлон ва навоҳии тобеи марказ нисбат ба ин масъала хунукназарӣ намуданд”.

Раиси Кумитаи андоз таъкид намудааст, ки дар аксари навоҳии кишвар сӯзишворӣ бидуни ҳисобкунак ва қайди мақомоти андоз бо зарфҳои гуногун фурӯхта мешавад: “Тамоми нуқтаҳои фурӯши сӯзишворӣ, ки ҳисобкунак надоранд, вазифадор карда мешаванд, ки дар кӯтоҳтарин муддат ҳисобкунак насб намоянд. Дар сурати иҷро накардани ин талаботи қонунии мансабдори мақомоти андоз масъулини НФС ба ҷавобгарии маъмурӣ кашида мешаванд”.

Дар мавриди онҳое, ки вобаста ба имконияти техникӣ ва норасоии барқ дар ноҳияҳои дурдаст сӯзишвориро бо зарфҳо мефурӯшанд, Давлатзода супориш додааст, ки сӯзишвории дохили зарфҳои калон ҳисоб карда шавад ва муҳрбандӣ гардад: “Ҳар бори пур кардани зарфҳо ба сарпӯши он бо тартиб додани санад муҳри нав гузошта шавад”.

Давлатзода сардорони раёсатҳои андози шаҳри Душанбе ва вилоятҳоро бори дигар огоҳ ва муваззаф кардааст, ки барои муҳргузорӣ ва таҳлили ҳисоботи нуқтаҳои фурӯши сӯзишворӣ шахсони масъулро таъин кунанду ҳар моҳ ба Кумита ҳисобот пешниҳод намоянд.

Мӯҳр

Хабарҳои монанд:

Сохибкор аз хисор

Ин фармони раис боз барои бесохибонаст Фроз ва Точирон ки моли Умарали буд авлод аз худ кард хеч гох мухр нахохан зад чунки вае сохиб доран.

Ҷавоб диҳед Иқтибос Шикоят

nomdor

заправкахои кади кучахои шахр чи хел мешавад??? умуман дар баклашкаву бочкачахо фурухтан мумкин аст??

Ҷавоб диҳед Иқтибос Шикоят

точик

Чаро дар бораи нарху наво касе сухан намегуяд ки арзиши газ ё бензини газпром аз дигархо ба маротиб фарк мекунад ва касе ин масаларо намебинад..хоханд баланд карда мефурушанд хоханд ва кадом макомоте асло лаб намекушояд!

Ҷавоб диҳед Иқтибос Шикоят

Эзоҳ илова кунед