04 июл 2016 16:46Тоҷикистон / Иҷтимоӣ

Рақамҳои Хадамоти зиддиинҳисорӣ барои шикоят аз мусофирбарҳои “баднафс”

Хадамоти зиддиинҳисорӣ дар шаҳри Душанбе аз сокинон хостааст, барои муҷозоти ронандаҳои баднафси мусофирбарҳо, ки вақтҳои охир аз мусофирон 3 сомонӣ роҳкиро мегиранд, мусоидат кунанд.

Ин ниҳод рақамҳои 2 21 45 28, 221 45 29 ва рақамҳои дастии 900 09 59 00, 988 99 11 88-и кормандонашро дар ихтиёри “Озодагон” гузошта, таъкид намуд, ки дар сурати ситондани роҳкирои барзиёд сокинон метавонанд шабонарӯз тариқи ин рақамҳо дар тамос шаванд. Манбаъ афзуд, ки дар сурати муроҷиати шаҳрвандон фавран аз ҷониби кормандони Хадамоти зиддиинҳисорӣ дар Душанбе ба мушкили сокинони пойтахт расидагӣ хоҳад шуд ва ронандаҳо муҷозот мегарданд.

Ин дар ҳолест, ки сокинони Душанбе мегӯянд, ронандаҳои мусофирбари хатсайри 28-ум аз мусофирон ба ҷои 1,6 сомонии қонунӣ ва 2 сомонии маъмулӣ 3 сомонӣ талаб доранд.

“Фарқ надорад, куҷо меравед, 3 сомонӣ”-хитоб мекарданд ронандаҳо ба анбуҳи мусофирон, ки рӯзи якшанбеи 3-юми июл муддати тӯлонӣ дар бозори Корвон интизори мусофирбар буданд.

Ронандаҳо дар шарҳи талаби роҳкирои барзиёд изҳор доштанд, ки дар роҳ танбашавии зиёд нақлиёт ба вуҷуд омадааст ва хатсайри 28 ба далели таъмири роҳ дароз шудааст.

Сокинони Душанбе мегӯянд, ҳолати барзиёд гирифтани роҳкиро дар дигар хатсайрҳое низ ҷой дорад, ки аз назди бозори “Корвон” мегузаранд. Мусофирбарҳои майдае, ки қаблан се сомонӣ мегирифтанд, дар арафаи ид нархи хизматрасониашонро то 5 сомонӣ боло бурдаанд.

Интизории тӯлонӣ ва сӯиистифодаи ронандаҳо аз теъдоди зиёди мусофирон дар Корвон дар ҳоле буд, ки касе аз масъулин дар ҷои ҳодиса барои ҷилавгирӣ аз қонуншиканиҳо ва ҳалли мушкили мусофирон ҳозир набуд.

Мӯҳр

Хабарҳои монанд:

инхо аз фурушандагони озука чи фарк доранд кисахои бе ин хам холи холитар мешавад

Ҷавоб диҳед Иқтибос Шикоят

....

28 то ай хдт рафтиян хадамоти зидихинсори кучора нигох мекна

Ҷавоб диҳед Иқтибос Шикоят

Шахрванд аз Душанбе

Э вой кай ин бенизомихо ба охир мерасида бошанд? Чаро аз мучозот шудан наметарсанд ронандахо? ё масъулини ин ширкатхо ба кучо менигаранд?

Ҷавоб диҳед Иқтибос Шикоят

хатсайри 28

мо фармонро аз боло гирифтаем то ид гузаштана рохкиро 3 сомони аст пул надори? савор нашав пиёда рафтан ба саломати фоида дорад!

Ҷавоб диҳед Иқтибос Шикоят

Душанбе

хатсайри 28,
Чи шуморам ранги ТАНГЕНО кадан даркор. Старекс дори да Душанбе тов нахур бчрт бра нохия. Оли чарима набастант ика баднафси мекнен.

Ҷавоб диҳед Иқтибос Шикоят

Саид

Тангенхо хам хамин хел АЗ хад гузарониданд ва АЗ хамин сабаб АЗ байн рафтанд.

Ҷавоб диҳед Иқтибос Шикоят

Шараф

Ин ракамора Чи Ича менависан и ракамора дар дохили хар як маршрутка бнависан

Ҷавоб диҳед Иқтибос Шикоят

Ҳоҷӣ

хатсайри 28, Хой мардак! Ту фаромонро аз боло яъне аз Худо гирифтӣ? "Инсоф, дин соф" гуфтаанд...Дар Моҳи Шариф, ки ҳамин хел мекунед, дар берамазонӣ комилан бедин мешавед...

Ҷавоб диҳед Иқтибос Шикоят

Шохид

Хадамоти зиддиинҳисорӣ дар шаҳри Душанбе гуё намедонад ва намебинад, ки:
1) дар асл бе арафаи иди рамазонхам ронандахо аз мусофирон ба чойи 1 сомонию 60 дирам 2 сомон мегиранд;
2) ба чойи 3 нафари дар старекс 4 нафари мусофир мегиранд;
3) проблема дар рох хам хаст ва ин яку якбора чанд кучаи шахрро таъмир кардан мебошад.
Хадамотро мебояд худаш ба бозор раваду аз наздик ошно шавад бо холати кор, ва он кормандоне ки ракамхои телефонашон навишта шудааст бо мошинхои кондитсионердори худ нею бо ана хамон старексхои 4 мусофир мегирифтаги раванд шояд баъд фахманду дарк кунанд...
МО МЕТАВОНЕМ!

Ҷавоб диҳед Иқтибос Шикоят

сардор

ронандахора не бояд раисони корхонаашона штраф кунан. як вакт кор мекардам аз дасти хар сахар пултии бо дар рах гаида пулдодана кор бас када казокистон омадам

Ҷавоб диҳед Иқтибос Шикоят

саид

хадамоти зиддиинхисории шахри душанбе бояд нархои якхеларо пешниход кунад, чунки бисерихояшон бахона мекунанд ки пули майда надорем.

Ҷавоб диҳед Иқтибос Шикоят

Хизматчй

Ин ходиса дар тамоми хатсайрхои пойтахт мушохида мегардад. Ронандагони ин наклиёт аз беназоратию хунукназарии мутассадихо истифода бурда, ба ягон мусофир бакия намегардонанд. Чаро онхо бо худ танга надоранд? Наход аз ин касе бахравар бошад? Дар дохили "старекс"-у " мерседес"-хо ва бокимонда нархнома ва телефонхои барои арзу дархост дида намешавад. Мусофирон аз чавоби дурушти ронанда дида хомуширо авло медонанд. Ё худ, бист (чил) дирам сарашро хурад мегуянд.
Чадвали харакати мукарраршуда надоранду хангоми харакат нихоят бетартибона мошинронй карда, ба дигар наклиётхо вазъияти ногувор ба пеш меоранд. Бо беадабихояшон худро дар назари мехмонону сокинони шахр паст мезананд.

Ҷавоб диҳед Иқтибос Шикоят

Эзоҳ илова кунед