05 июл 2016 13:18Тоҷикистон / Сиёсат / Рӯ ба рӯ

Эрдуғон: Тоҷикон ҳам дар терракти Истанбул даст доранд

Вазорати умури хориҷии Тоҷикистон мегӯяд, изҳороти президенти Туркияро дар мавриди даст доштани тоҷикон дар ҳамлаҳои террористии шаҳри Истанбул таҳқиқ мекунад.

Аз дафтари матбуоти Вазорати умури хориҷии Тоҷикистон ба “Озодагон” иттилоъ доданд, феълан намояндагии Душанбе дар Истанбул ба таҳқиқи изҳороти раисиҷумҳури Туркия машғул мебошад.

Раҷаб Тайиб Эрдуғон, раисиҷумҳури Туркия имрӯз, 5 июл гуфт, дар таркиши фурудгоҳи байналмилалии Отатурки шаҳри Истанбул зодаҳои Доғистон, Қирғизистон ва Тоҷикистон даст доранд. Ӯ дар суҳбат бо расонаҳо гуфтааст, то ҳол бо иттиҳоми ҳамлаҳои террористӣ дар фурудгоҳи шаҳри Истанбул 30 нафар боздошт шудаанд: “Сухан дар бораи зодаҳои Доғистон, Қирғизистон ва Тоҷикистон меравад. Мутаасифона сухан дар бораи кишварҳои ҳамсоя ва наздики мо меравад”.

Дар натиҷаи ҳамла ва бомбгузории шаби 28 июн дар фурудгоҳи байналмилалии Истанбул 44 нафар кушта ва ҳудуди 150 тани дигар захмӣ шудаанд.

Вазорати умури хориҷии Тоҷикистон қаблан хабари нашрияи “Milliyet”-и Туркия, ки таркишҳои фурудгоҳи Истанбулро кори зодаҳои Тоҷикистон номид, беасос хонда буд. Вафо Ниятбеков, раҳбари Раёсати иттилоот, матбуот, таҳлил ва тарҳрезии сиёсати хориҷии вазорат рӯзи 30 июн ба “Озодагон” гуфт, кормандони Сафорати Тоҷикистон дар Туркия ва намояндагони консулгарии Тоҷикистон дар Истанбул бо мақомоти шаҳрдорӣ ва амниятии ин шаҳр мулоқот кардаанд. Ба гуфтаи оқои Ниятбеков, дар ин вохӯрӣ хабари зодаи Тоҷикистон будани маргталабон тасдиқи худро наёфтааст: “Ҳамчунин онҳо бо намояндаҳои нашрияи “Milliyet” дидор доштанд. Маълум шуд, ки ин хабарро яке аз хабарнигорони озоди ин рӯзнома чоп карда, он асос надорад”.

Мӯҳр

Хабарҳои монанд:

зинда бод точикистон

Ин эрдугон магар намедонад ки терорист миллат дин оин ва ватан надорад ки точикон ва .... ро номбар кардааст...
Магар хамин эрдугон дар вайронии Сурия даст надорад ??? ва ё Ирок...

Ҷавоб диҳед Иқтибос Шикоят

Аброр

Эрдуғон ҳам ба мисли дигар нажоди турк дар як ҷояш, ки як чиз дар монд, бори гуноҳро бар сари дигарон мепартояд. Ин одам ба мисли Саакашвили аввал гапро мезанаду баъд фикр мекунад, ки чӣ гуфта истодааст (чашм оинаи қалб аст).
Ҳоло метарсам, ки марги Отатуркашона бори тоҷико накунанд. Барои он ки дар ватанаш оромӣ бошад, Эрдуғон бояд сиёсати духураро пеш набояд гирад (Тоҷикӣ карда гӯем мардак бояд дукуна набошад). "Давлати исломӣ"-ро пуштибонӣ намуда, дар минбарҳои баланд инкор мекунад. Худо аз ин бадтар накунад Туркияро бо ҳамин роҳбараш. Роҳбар, ки оқил набошад мардуми оддӣ дар азоб мешаванд.

Ҷавоб диҳед Иқтибос Шикоят

Эзоҳ илова кунед